Bizimlə əlaqə | Reklam
BolgeXeber.Com » Şou-Biznes » "Vəziyyətimiz pisdir, toy yoxdur" - müğənnilər şikayət etdilər

"Vəziyyətimiz pisdir, toy yoxdur" - müğənnilər şikayət etdilər

14-01-2016, 16:02
Oxunub: 9 002 "Vəziyyətimiz pisdir, toy yoxdur" - müğənnilər şikayət etdilərAzərbaycanda müğənnilərin əsas gəlir mənbəyi toylardandır. Ölkədə yaşanan maddi böhran toy biznesinə də təsir edib, toy, xınayaxdı edən insanların sayı azalıb

Eyni zamanda restoranlarda keçirilən şou proqramlara da maraq yox dərəcəsindədir. Hətta müğənnilər bildirirlər ki, bu müddət ərzində dəvət olunduqları toyların əksəriyyəti təxirə salınıb. Mərasim sahibləri böhrana görə ya toy etmək fikrindən daşınıblar, ya müğənninin toyda iştirakından imtina ediblər. Bəs toylardan qazanc əldə edən müğənnilərin hazırda vəziyyəti necədir?

Axşam.az xəbər verir ki, Musavat.com müğənnilər arasında sorğu keçirib. Toy biznesinin zəifləməsinin onlara etdiyi təsiri öyrənib:

Müğənni Nadir Qafarzadə yanvar ayında toya dəvət almadığını bildirib:

“Moskvadayam, ailəmlə istirahət edirəm. Toy, şou proqramlar yox dərəcəsindədir. Əvvəllər ayda ən az 2-3 toy olurdusa da, indi biri də yoxdur. Yanvar ayında toya dəvət almamışam”.

Müğənni Ayan Babakişiyeva da toysuz qalan sənətçilərdəndir:

“Hamıda olduğu kimi müğənnilərdə də vəziyyət yaxşı deyil. Maddi problemlər var. Mənim əvvəllər də toyum az idi. İndi ümumiyyətlə toy və tədbirlərə dəvət almıram”.

Müğənni Aslan Hüseynov müğənnilərin maddi durumunun pis olmasından gileylənib:

“Vəziyyətimiz pisdir, toy, mərasim yoxdur. Dekabr ayında bir toyum var idi, müğənnilər eşidəndə dedilər ki, “sağ əlini başımıza qoy”. Toy edən yoxdur. Hətta restoranların çoxu bağlanmaq ərəfəsindədir. Restoran rəhbəri olan dostlarım bildirirlər ki, camaat toy etmir, şou proqramlara gəlmirlər. Ona görə də məkanlarını bağlamaq məcburiyyətindədirlər”.

Müğənni Sevda Sanaliyeva şou proqramların sayının kəskin azaldığını dilə gətirib:

“Müğənninin gəlir yeri toydur, şou proqramdır. Mən bir neçə restoranda səhnəyə çıxırdım. İndi isə proqramların sayı azalıb. Şou proqrama gələn yoxdur. Camaatı qınamaq olmaz. İş-güc yoxdur, böhrandır. İnsanlar ailə dolandırmaq dərdindədirlər. Çoxlarının əyləncəyə pul ayırmağa imkanı yoxdur”.

Müğənni Manaf Ağayev el şənliklərinə dəvət olunmadığını bildirib:

“Böhran hamı kimi biz müğənnilərə də, toy biznesinə də təsir edib. Toy və mərasimlərə dəvətlərin sayı azalıb. Bu ay 1-2 toya çağırıblar. Demək olar ki, toy yoxdur”.
Axtarış sistemlərində qeydə alınmayan, aktiv keçid linki olmadan saytda yayımlanmış materialların köçürülməsi və yayımı qəti qadağandır! Qeyd olunan qaydalara əməl olunaraq başqa saytlarda yayımlanmış materiallara bildirilən fikirlərə görə sayt rəhbərliyi məsuliyyət daşımır!

Azərbaycan Respublikası, Bakı şəhəri

(+99470) 600 50 01

(+99450) 229 29 20

(+994 70) 734 50 00


[email protected]