BolgeXeber.Com » Şou-Biznes » Elgiz verilişinin bağlanmasından danışdı

Elgiz verilişinin bağlanmasından danışdı

19-05-2012, 11:05
Oxunub: 4 813 “Mən aparıcı olaraq üzülərəm. Ancaq qərarla bağlı israr etmərəm”.

Bunu ANS-də yayımlanan «Toy olsun» verilişinin aparıcısı Elgiz Əkbər sentyabr ayından izdivac verilişlərinin qapadəlması ilə bağlı MTRŞ-nın qərarına münasibət bildirərkən deyib. Amma onu da əlavə edib ki, verilişin bağlanması ilə bağlı qəti qərarın olub-olmamasından xəbərsizdir: “Nuşirəvan müəllim də hər halda boş yerə söz deməz. Yəqin ki, kanal rəhbərliyi ilə danışılıb. Amma kanal rəhbərliyi işçilərə, aparıcılara dövlət məmuru ilə danışıqlar haqda məlumat vermirlər. Hər halda, mən aparıcı olaraq buna üzülərəm. Amma kanal rəhbərliyi qərar versə, israr etməyəcəm”.

Elgiz Əkbər də etiraf edir ki, verilişi bəyənənlər kimi bəyənməyənlər də var. Amma «Toy olsun»un 2 illik işini aparıcı kimi qənaətbəxş sayır. Bu verilişdə 30-dək ailə qurulmasına vasitəçilik etdiklərini deyir. Əlavə edir ki, bunların çoxu ya kasıblar olub, ya fiziki qüsurlu
insanlar.

Bəs Milli Televiziya və Radio Şurasının televiziya kanallarının proqram siyasətinə qarışmaq hüququ varmı?: “Təbii ki, yoxdur. Amma onlar məsləhət, tövsiyə xarakterli fikirlər deyirlər. Mən Nuşirəvan müəllimin dediyinə də demirəm üsyan edirəm, etiraz edirəm. Yox, yox, yox!”.

Azadlıq Radiosu