BolgeXeber.Com » Şou-Biznes » Günel Zeynalova həbs olundu

Günel Zeynalova həbs olundu

23-05-2012, 11:10

Oxunub: 4 631

Türkiyədə məhkəmə Azərbaycan əsilli müğənninin həbs olunması barədə qərar qəbul edib.

Bolgexeber.com-un Türkiyə mətbuatına istinadən verdiyi məlumata görə, Azəri Günel (Günel Zeynalova) Azərbaycan əsilli iş adamı Rza Zərrabla aralarında davam edən məhkəmə çəkişməsinin sonunda 9 ay azadlıqdan məhrum edilib. Müğənni Ebru Gündeşlə evlənməzdən əvvəl Günellə bərabər olan Rza Zərrab Güneli aralarındakı telefon danışığını onun icazəsi olmadan yaymaqda ittiham edib.

İstanbul Məhkəməsi də Güneli günahkar sayaraq 6 ay azadlıqdan məhrumetmə barədə qərar çıxarıb. Daha sonra da müğənninin telefon danışığını mətbuat vasitəsi ilə yaydığını əsas gətirərək 3 ay da əlavə cəza verib. Onunla birlikdə məlumatı yayan agentliyin rəhbəri Sacit Aslan da eyni cəzaya məhkum edilib. Ancaq onların bu əməli bir daha törətməyəcəyi qənaətinə gələn məhkəmə qərarın icrasını təxirə salıb. Hər iki şəxs 5 il nəzarətdə saxlanılacaq.

Çox Oxunanlar