BolgeXeber.Com » Şou-Biznes » "Yeni Ulduz-2"nin qalibi Rəcəb Musayev yol qəzasında həlak oldu

"Yeni Ulduz-2"nin qalibi Rəcəb Musayev yol qəzasında həlak oldu

13-01-2011, 03:00

Oxunub: 8 604

Gənc müğənni yanvarın 10-da gecə saat 12 radələrində dünyasını dəyişib

Bu barədə 3 saylı Sabunçu xəstəxənasından Bolgexeber-e məlumat verilib. Xəstəxana personalından adının açıqlanmasını istəməyən tibb işçisi, Rəcəb Musayevin avtomobil qəzasından xəsarət aldığını və xəstəxanaya ağır vəziyyətdə çatdırıldığını bildirib. Onun sözlərinə görə, həkimlərin bütün səylərinə baxmayaraq Rəcəb Musayevin həyatını xilas etmək mümkün olmayıb.

Sabunçu rayon Polis İdarəsindən verilən məlumatda isə bildirildi ki, R.Musayev yanvarın 8-də saat 20:45-də Kürdəxanı-Lahic bağları istiqamətində hərəkət edən zaman yol qəzasına düşüb. O, idarə etdiyi “Mercedes” markalı "10 NU 411" dövlət nömrə nişanlı avtomobilini aşırıb. Yüksək süərlə hərəkət edən avtomobil bir neçə dəfə çevrilib. Ağır xəsarətlə 3 saylı xəstəxanaya çatdırılsa da, onun həyatını xilas etmək münkün olmayıb.

Xatırladaq ki, tamaşaçılar Rəcəb Musayevi bir neçə il öncə keçirilmiş “Yeni Ulduz-2” müsiqi müsabiqəsindən tanıyıblar. Daha çox gitarada ifası ilə yadda qalan gənc ifaçı elə həmin müsabiqənin qalibi olmuşdu.

Rəcəb Musayev, yerli kanallardan birində yayımlanan “Əsgər anı” verilişinin həm də aparıcılarından biri idi.

Çox Oxunanlar

Axtarış sistemlərində qeydə alınmayan, aktiv keçid linki olmadan saytda yayımlanmış materialların köçürülməsi və yayımı qəti qadağandır! Qeyd olunan qaydalara əməl olunaraq başqa saytlarda yayımlanmış materiallara bildirilən fikirlərə görə sayt rəhbərliyi məsuliyyət daşımır!

Azərbaycan Respublikası, Bakı şəhəri

(+99470) 600 50 01

(+99450) 229 29 20

(+994 70) 734 50 00

[email protected]