BolgeXeber.Com » Şou-Biznes » Əbülfəs Qarayev düşmənini işdən qovdurdu

Əbülfəs Qarayev düşmənini işdən qovdurdu

30-11-2012, 13:50

Oxunub: 5 889

Gənc Tamaşaçılar Teatrının aktyoru İlqar Cahangirov işdən çıxarılıb.

Məlumatlı mənbənin Kulis.az-a verdiyi informasiyaya görə, onu Mədəniyyət və Turizm Nazirliyini tənqid etdiyinə görə işdən çıxarıblar.

Mənbənin dediyinə görə, aktyor işdən çıxmaqla bağlı ərizəsi var, amma ərizənin üstü hələ yazılmayıb.

Xəbəri dəqiqləşdirmək üçün teatrın direktoru Mübariz Həmidovla əlaqə saxladıq. Direktor məlumatı nə təkzib, nə də təsdiq etdi.

İlqar Cahangirov isə Kulis.az-a verdiyi açıqlamada bildirib ki, yaxşı pul vəd olunan başqa bir işə getməyi ilə əlaqədar özü işdən çıxmaqla bağlı ərizə yazıb.

Xatırladaq ki, İlqar Cahangirov əməkdar artistdir. Cənnət Səlimovanın yaratdığı “Kamera” teatrının aktyoru idi. Həmin teatr ləğv edilib Gənc Tamaşaçılar Teatrının tərkibinə daxil ediləndən bəri aktyor burada çalışır. Mətbuatda üç teatrın bir teatrın tərkibinə qatılmasına və yeni teatrın reperturarına, aktyor seçiminə etiraz edib, Mədəniyyət və Turizm Nazirliyi ilə bağlı tənqidi fikirlər səsləndirib.

Çox Oxunanlar