BolgeXeber.Com » Şou-Biznes » Rəqsanə də Hürrəm sultan oldu - foto

Rəqsanə də Hürrəm sultan oldu - foto

3-12-2012, 11:20

Oxunub: 4 828

Onun Sultan Süleymanı kimdir?

Populyar estrada müğənnisi Rəqsanə İsmayılova “Muhteşem yüzyıl” serialının qəhrəmanı Hürrəm sultana meydan oxuyub. O, yeni çəkdirdiyi fotoları ilə Hürrəm sultana bənzəyib.
Sənətçi Publika.az-a danışır ki, bu tərzi təsadüfdən seçməyib və bu seçim onu görənlər tərəfindən bəyənilib.

“Serialı böyük maraqla izləyirəm. Səfərlər, toylar, tədbirlər belə seriala olan marağımı azaltmayıb. Hərdən hadisələri qabaqlayıb, kitabdan oxuyuram. Amma heyət kitabla filmin ssenarisi arasında fərqlilik yaradıb.

Bu günlərdə belə bir imkan yarandı və mən də Hürrəm sultan kimi görünmək istədim. Bu, serial qəhrəmanına olan sevgidən irəli gəldi”, - deyən Rəqsanə özünün də serialda çəkilmək şansının olduğunu dedi. Belə bir təklif alan müğənni ssenarini bəyənəcəyi təqdirdə çəkiləcək.

Bolgexeber.com bir xatırlatmanı da edir ki, Rəqsanənin Hürrəm olduğu görüntülərdə Sultan Süleyman obrazını Lider TV-nin tanınmış simalarından biri Ramin İbrahimov canlandırıb.

Çox Oxunanlar