BolgeXeber.Com » Şou-Biznes » Elza sponsorunun kimliyini açıqladı: “Mənə evi, avtomobili o bağışlayıb”

Elza sponsorunun kimliyini açıqladı: “Mənə evi, avtomobili o bağışlayıb”

9-01-2018, 12:41

Oxunub: 5 172

Əməkdar artist Elza Seyidcahan ona sponsorluq edən şəxsin kimliyini açıqlayıb

Yenicag.az-a açıqlama verən sənətçi ona anasının himayədarlıq etdiyini bildirib:
“Mənim sponsorum Allahım, bir də anam olub. Uşaqlıqdan məndə olan istedadı görüb və qiymətləndirib. Gecə-gündüz torpaqla əlləşib, işləyib və qazandığı pulları uşaqlarının dolanışığına, təhsilinə xərcləyib. Gecələr iki saat doyunca yatmayıb, çalışıb. Mənə ən bahalı hədiyyələri – evi də, avtomobili də anam bağışlayıb. Bəzi adamlar mənim şeirlərimə lağ edib, artıq-əskik danışanda anam əsəbiləşir. O, bilir ki, qızı çox istedadlıdır. Hətta telefonla danışanda belə mənim şeirlərimdən sitat gətirir. Təsəvvür edin, bütün şeirlərimi əzbər bilir. Dünən deyir ki, Elzanın şeirlərində ifadə etdiyi kimi hər yer pırıl-pırıldır. Amma anam heç vaxt efirə çıxıb, haqqımda danışmağı sevməyib. Bu günlərdə nəvəmin doğum günü idi. Maqazin proqramlarından biri onu danışdırıb. Anam elə bilib ki, kamera çəkmir. Bilsə, heç danışmazdı. Çünki çox təvazökar adamdır”.

Çox Oxunanlar

Axtarış sistemlərində qeydə alınmayan, aktiv keçid linki olmadan saytda yayımlanmış materialların köçürülməsi və yayımı qəti qadağandır! Qeyd olunan qaydalara əməl olunaraq başqa saytlarda yayımlanmış materiallara bildirilən fikirlərə görə sayt rəhbərliyi məsuliyyət daşımır!

Azərbaycan Respublikası, Bakı şəhəri

(+99470) 600 50 01

(+99450) 229 29 20

(+994 70) 734 50 00

[email protected]