Bizimlə əlaqə | Reklam
BolgeXeber.Com » Şou-Biznes » Xuraman Şuşalı: “Kişi evdən çıxdısa, sənin deyil”

Xuraman Şuşalı: “Kişi evdən çıxdısa, sənin deyil”

17-02-2022, 16:09
Oxunub: 8 272 Müğənni Xuraman Şuşalı əks cinsin nümayəndələri ilə bağlı qalmaqallı açıqlama verib.

"MTV” kanalına müsahibəsi zamanı cəmiyyətdəki qadın-kişi münasibətlərindən danışan Şuşalı kişilərin xəyanətə daha çox meyilli olduğunu deyib. Bəzən bu vəziyyəti isə xanımların yaratdığını bildirib:

"Qadın bəzən o qədər acıdil, təkəbbürlü olur ki, özü öz əlləri ilə yoldaşını itələyir. Bir də var ki, kişinin qanı xarabdır. Qadın nə etsə də, gözəl də olsa, kişi evdən çıxdısa, sənin deyil. Qadınlar ailə quranda bilməlidir ki, kiminlə ailə qursun. Qısqancdırsa, ömrünün sonuna kimi eyni qalacaq. Elə şeylər var ki, dəyişilmir. Qadın da var, deyir ki, ərim 40 yaşa kimi qısqandı, sonra yox. Belə hallar da var. Ya qadın qocaldı deyə qısqanmır və yaxud başı başqasına qarışır”.

Şuşalı həyat yoldaşı ilə aralarında qısqanclıq olmadığını deyib:

"Büruzə də vermir. Arada deyirəm ki, bu, məni niyə qısqanmır? Çünki arxayındır. Mən çox qısqancam, görürəm ki, özümə ziyan verirəm. Deyir, kişinin qısqanmağı halal, qadında isə haramdır. Qadın qısqansa təkəbbür, kişidə isə qeyrətdən irəli gəlir”.
Axtarış sistemlərində qeydə alınmayan, aktiv keçid linki olmadan saytda yayımlanmış materialların köçürülməsi və yayımı qəti qadağandır! Qeyd olunan qaydalara əməl olunaraq başqa saytlarda yayımlanmış materiallara bildirilən fikirlərə görə sayt rəhbərliyi məsuliyyət daşımır!

Azərbaycan Respublikası, Bakı şəhəri

(+99470) 600 50 01

(+99450) 229 29 20

(+994 70) 734 50 00


[email protected]