BolgeXeber.Com » Sosial » 300 manat «şirinlik» alan kollec

300 manat «şirinlik» alan kollec

28-10-2011, 13:15
Oxunub: 4 336 Ağdaş Humanitar Kollecində rüşvətin formaları və qiymətləri konkretləşdirilib

Təhsil sistemində rüşvət və korrupsiyanın tüğyan etdiyi hər kəsə bəllidir. Son dövrlər hakimiyyətin başladığı kampaniyaya görə isə bununla bağlı çeşidli məlumatların mətbuata ünvanlanması intensiv xarakter alıb. Elə ona görədir ki, əksər mətbuat orqanları daxil olan rüşvət və korrupsiya xəbərlərinə daha çox yer vermək məcburiyyətində qalırlar.

Bolgexeber.com xəbər verir ki, rüşvətə aid daha bir məlumat da Ağdaş rayonundan daxil olub. Redaksiyamıza ünvanlanan məlumatda bildirilir ki, Ağdaş Dövlət Humanitar Kollecində əsl bazar qanunları hökm sürür. Belə ki, bu kollecdə rüşvətin miqdarları belə dəqiqləşdirilib.

Məlumatda deyilir ki, Ağdaş Humanitar Kollecində «şirinlik» adı ilə alınan rüşvətin miqdarı 300 manatdır. Tələbə olmaq istəyənlərin valideynlərindən alınan «şirinlik» məcburidir. Amma kollecə qəbul olunan şəxsin verəcəyi rüşvət bununla bitmir. Ondan tələbə bileti alması üçün əlavə 50 manat istənilir. Bir başqa rüşvət yeri isə jurnal satışı ilə bağlıdır. Kollec rəhbərliyinin «təşəbbüsü» nəticəsində meydana çıxan bu rüşvətyığma kampaniyası çərçivəsində jurnallara 10 manat qiymət qoyulub.