Bizimlə əlaqə | Reklam
BolgeXeber.Com » Sosial » Cəlilabadda müəllimlər maaşsız qalıb

Cəlilabadda müəllimlər maaşsız qalıb

10-11-2011, 08:50
Oxunub: 7 007 Səbəb isə təhsil şöbəsinin müdiri Ədalət Əsgərovun həmin pulları özünə götürməsidir

Təhsil sistemində vəziyyətin bərbad olduğu dəqiqdir. Təhsil Nazirliyinin bununla bağlı heç bir tədbir görməməsi isə əyalətlərdə müəllimlərin durumunu daha da ağırşaldırıb. Bolgexeber.com-a məlumat verən müəllimlərdən biri deyib ki, Cəlilabadda isə dərs başlayandan indiyə qədər müəllimlərə maaş verilmir.

Bizə məlumat verən şəxs qeyd edib ki, bir müəllim 15 günlük dediyi dərsə görə 1 manat, digər müəllimlərin isə maaşları 37 manatdır. Mənbə deyir ki, vəziyyətin belə bir şəkil almasının səbəbi Cəlilabad rayon Təhsil Şöbəsinin rəhbəri Ədalət Əsgərovun qoyduğu qaydalardır. Onun bildirdiyinə görə, təhsil şöbəsinin müdiri hər ay müəllimlərin pullarını əlindən almaq üçün müxtəlif bəhanələr gətirir və maaşları özünə götürür. Hətta iş o yerə çatıb ki, müəllimlərin yerinə maaş cədvəlinə qol çəkilərək, əmək haqları götürülüb birbaşa şöbə müdirinə verilir.

Məlumatı verən şəxs iddia edir ki, Ədalət Əsgərov bu addımlarını Cəlilabad rayon İcra Hakimiyyətinin başçısı Əziz Əzizovun tapşırığı əsasında həyata keçirdiyini deyir. Belə ki, Əsgərov yığdıqları pulları icra başçısına verdiyini bildirir.

Məsələ ilə bağlı qarşı tərəfin də mövqeyini dərc etməyə hazırıq.
Axtarış sistemlərində qeydə alınmayan, aktiv keçid linki olmadan saytda yayımlanmış materialların köçürülməsi və yayımı qəti qadağandır! Qeyd olunan qaydalara əməl olunaraq başqa saytlarda yayımlanmış materiallara bildirilən fikirlərə görə sayt rəhbərliyi məsuliyyət daşımır!

Azərbaycan Respublikası, Bakı şəhəri

(+99470) 600 50 01

(+99450) 229 29 20

(+994 70) 734 50 00


[email protected]