BolgeXeber.Com » Sosial » Bakıda binanın altından keçən qaz borusu partladı: yaralananlar var

Bakıda binanın altından keçən qaz borusu partladı: yaralananlar var

17-12-2011, 14:15
Oxunub: 4 637 Bu gün Binəqədi rayonu ərazisində partlayış hadisəsi baş verib.

Bolgexeber.com-a daxil olan məlumata görə, 8-ci mikrorayon Süleyman Sani Axundov küçəsi 2 ünvanında yerləşən binanın zirzəmisində güclü partlayış olub. Nəticədə binanın girişlərindən bir neçəsi uçub, zirzəminin divarlarında iri deşiklər yaranıb, həmçinin birinci mərtəbələrdə yerləşən mənzillərə ziyan dəyib. İlkin məlumata görə, 3 nəfər yüngül xəsarət alıb.

Binəqədi rayon Polis İdarəsindən məlumatı təsdiqləyiblər. İdarədən bildirilib ki, bina əhalisi evakuasiya olunub. Hadisəyə qaz borusunda sızmanın səbəb olduğu ehtimal olunur.