BolgeXeber.Com » Sosial » Deputat Vahid Əhmədov : Elman Rüstəmov Azərbaycan xalqını aldadıb

Deputat Vahid Əhmədov : Elman Rüstəmov Azərbaycan xalqını aldadıb

21-02-2015, 13:04

Oxunub: 5 061

“Beş dəqiqə ərzində böyük itkilər olub”

Elman Rüstəmov Azərbaycan millətinin başına qaynar su tökdü.

Oxu.Az xəbər verir ki, bu barədə Parlamentin İqtisadi Siyasət üzrə Komitəsinin üzvü, deputat Vahid Əhmədov haqqın.az-a bildirib.

“Bir çoxları beş dəqiqə ərzində böyük itkilər veriblər. Və mən onlardan çoxunun iflasa uğrayacağını itisna etmirəm”, - deputat deyib.

Onun sözlərinə görə, Azərbaycan ABŞ və Avropada 2008-ci ildən müşahidə edilən və ilk növbədə maliyyə sektoruna zərbə vuran böhrana girib:

“Bütün maliyyə sahəsi, ipoteka fondları, maliyyə təşkilatları sonda Azərbaycan xalqına zərbə vuracaq böyük itkilərlə üzləşib. Mən özüm Mərkəzi Bankla danışıqlar aparmışam, ani devalvasiyanın aparılmamasını və manatın kursunun tədricən salınmasını xahiş etmişəm. Mərkəzi Bankın rəhbərliyi bizi də, deputatları və bütün Azərbaycan xalqını aldadıb. Bundan sonra əminliklə deyə bilərəm ki, Elman Rüstəmov öz yerində deyil”, - o deyib.

“Milli Məclisin yaxın iclaslarının birində Mərkəzi Bankın hərəkətlərinin qanuniliyi barədə məsələ qaldıracağıq. Və qoy Elman Rüstəmov Parlamentin və xalqın qarşısında onu bu kritik qərarı qəbul etməyə sövq edən səbəbləri açıqlasın”, - deputat bəyan edib.

Vahid Əhmədov manatın ani devalvasiyasının kəskin böhran yaratmasını və xalqa zərbə vuracağını istisna etmir.

Ona görə də hökumət xalqın sosial müdafiəsi üzrə indidən tədbirlər görməlidir.

Çox Oxunanlar

Axtarış sistemlərində qeydə alınmayan, aktiv keçid linki olmadan saytda yayımlanmış materialların köçürülməsi və yayımı qəti qadağandır! Qeyd olunan qaydalara əməl olunaraq başqa saytlarda yayımlanmış materiallara bildirilən fikirlərə görə sayt rəhbərliyi məsuliyyət daşımır!

Azərbaycan Respublikası, Bakı şəhəri

(+99470) 600 50 01

(+99450) 229 29 20

(+994 70) 734 50 00

[email protected]