Bizimlə əlaqə | Reklam
BolgeXeber.Com » Sosial » Qubaya qoşun salındı

Qubaya qoşun salındı

1-03-2012, 10:50
Oxunub: 5 339 Quba rayonunun icra başçısı Rauf Həbibovun məlum çıxışından sonra rayonda vəziyyət gərginləşməyə başlayıb. Bolgexeber.com xəbər verir ki, icra başçısının təhqir dolu çıxışından sonra buna etiraz etməyə hazırlaşan qubalılar martın 1-də mitinq keçirməyi qərarlaşdırıblar.

Lakin Rauf Həbibov vəziyyətin nəzarətdən çıxacağını və hadisələrin daha dramatik şəkil alacağını görərək, Bakıdan yardım istəyib. Dünən isə Bakıdan gedən xüsusi təyinatlı polis qüvvələri Qubada həbslərə başlayıblar. Rayondan Polis əməkdaşları aksiyanı təşkil etmək istəyən şəxslərin kimliyini müəyyənləşdirərək, onları bir-bir tutur.

Məlumatlarda deyilir ki, gecə saatlarına qədər davam edən həbslər zamanı siyasi mövqe də nəzərə alınmayıb. Belə ki, həbs olunanlar arasında Quba bələdiyyəsinin sədri, YAP üzvü Tahir adlı şəxs də var. Onu polislər döyə-döyə bölməyə aparıblar. Onu icra başçısı əleyhinə aksiya təşkil etməkdə günahlandırırlar.

məlumatlara görə, həbs olunanların yaxınları Quba Polis Şöbəsinin qarşısına yığışaraq, etirazlarını bildirirlər. Bundan başqa, 1 mart aksiyasına da hazırlıq davam edir. Bildirilir ki, rayon sakinləri bu gün səhərdən etibarən İcra Hakimiyyətinə gələrək, Rauf Həbibovun onlardan üzr istəməsini tələb edəcəklər.

Həbslərlə problemin həll olunmayacağını düşünən Quba rəhbərliyi Daxili Qoşunların da imkanlarından yararlanmaq qərarına gəlib. Artıq bölgədəki Daxili Qoşunların hərbçiləri rayona gətirilb.
Axtarış sistemlərində qeydə alınmayan, aktiv keçid linki olmadan saytda yayımlanmış materialların köçürülməsi və yayımı qəti qadağandır! Qeyd olunan qaydalara əməl olunaraq başqa saytlarda yayımlanmış materiallara bildirilən fikirlərə görə sayt rəhbərliyi məsuliyyət daşımır!

Azərbaycan Respublikası, Bakı şəhəri

(+99470) 600 50 01

(+99450) 229 29 20

(+994 70) 734 50 00


[email protected]