Bizimlə əlaqə | Reklam
BolgeXeber.Com » Sosial » Ədliyyə Nazirliyi məhkəməyə verilir

Ədliyyə Nazirliyi məhkəməyə verilir

3-07-2012, 13:35
Oxunub: 5 263 Ədliyyə Nazirliyi Vətəndaş Hüquqları İnstitutunu (VHİ) qeydiyyata almaqdan imtina edib.

Təşkilatdan Bolgexeber.com-a daxil olan xəbərə görə, Ədliyyə Nazirliyinin Hüquqi Şəxslər və Vətəndaş Vəziyyəti İdarəsinin rəisi Rahim Rəhimovun imzasıyla birliyə daxil olan məktubda bildirilib ki, ictimai birliyin üzvlüyünə qəbulun və ondan çıxmanın şərtləri və qaydası onun nizamnaməsi ilə müəyyən edilir. Lakin, təqdim edilmiş nizamnamədə üzvlüyə qəbulun şərtləri, eləcə də ondan çıxma qaydası müəyyən edilməyib.

VHİ-nin təsisçilərindən olan Bəşir Süleymanlı göstərilən iradların əsassız olduğunu bildirib: “Nizamnamənin beşinci fəslinin bütün bəndləri adı çəkilən məsələyə həsr edilib. Həm üzvlüyə qəbul, həm də üzvlükdən azad olunma barədə kifayət qədər aydın maddələr öz əksini tapıb. Sadəcə nazirlik qeydiyyat sənədlərində “iradlar” tapa bilmədiyi üçün nizamnamədə əksini tapan məsələ ilə bağlı imtina məktubu göndərib. Təbii ki, biz bununla razılaşmırıq və məhkəməyə müraciət edəcəyik”.
Axtarış sistemlərində qeydə alınmayan, aktiv keçid linki olmadan saytda yayımlanmış materialların köçürülməsi və yayımı qəti qadağandır! Qeyd olunan qaydalara əməl olunaraq başqa saytlarda yayımlanmış materiallara bildirilən fikirlərə görə sayt rəhbərliyi məsuliyyət daşımır!

Azərbaycan Respublikası, Bakı şəhəri

(+99470) 600 50 01

(+99450) 229 29 20

(+994 70) 734 50 00


[email protected]