Bizimlə əlaqə | Reklam
BolgeXeber.Com » Sosial » Ana olmaq şansını itirmək istəyən “FUNDA” ya gəlsin

Ana olmaq şansını itirmək istəyən “FUNDA” ya gəlsin

14-07-2012, 10:20
Oxunub: 6 108 Flora Tağıyeva Funda Dioqnostika Mərkəzindən şikayətlənir

Statistikalar göstərir ki, son zamanlar “abort” əməliyyatı daha geniş vüsət alıb. Bu əməliyyata səbəb olan amillərdən biri də dölün cinsiyyətinin qabaqcadan müəyyənləşdirilməsidir. Digər tərəfdən həkimlərin səriştəsiz olmaları və maddi vəsaitə uyğun müalicə “taktikası” bu kimi neqativ halların çoxalmasına şərait yaradır. Xəstələri onların ciblərinə uyğun qəbul edən həkim, lazımsız əməliyyata qaldırmağa qədər cəsarət tapır. Yaxud lazım olan məqamda əməliyyat etməyib, sadəcə müalicə ilə xəstəni sağaldacağına inandırmağa çalışır. Bu da sonradan çox ciddi fəsadlara gətirib çıxardır. Belə qurbanlardan biri də “Xəbərinfo”-a danışıb, bir daha ana olmayacağını bildirdi. Funda Dioqnostika Mərkəzindən şikayətlənən Tağıyeva Flora Tariel qızı redaksiyamıza məktub ünvanlayıb. Məktubu olduğu kimi oxucuların və eləcə də aidiyyatı qurumların diqqətinə çatdırırıq:
“Mən Tağıyeva Flora Tariel qızı 22.06.2012-ci il tarixdə 10 saylı qadın məsləhətxanasına getdim. Aparatdan keçdikdən sonar mənə bildirdilər ki, uşaqlıq turbanda kölgə göstərir. Sonra Funda Dioqnostika Mərkəzinə müraciət etdim. Orada məni “abort” edib, problemin həll olunduğunu bildirdilər. Amma daha da kəskin ağrılar başladı. Nəhayət məndə boru hamiləliyinin olduğu təsbit oldu və Baku Medikal Plaza Klinikasında əməliyyat olundum.

Nəzərinizə çatdırım ki, Funda Dioqnostika Mərkəzinin məsuliyyətsizliyinə görə , mənim uşaqlıq borumu götürdülər və bununla da əbədi ana olmaq şansımı itirdim.

Daha sonra şikayətci xanım xahiş edərək bildirir ki, Funda Dioqnostika Mərkəzinin mənə vurduğu maddi və mənəvi ziyanın ödənilməsində yardımçı olasınız və bu məsələni mətbuatda işıqlandırmaqla aidiyyatı qurumların nəzərinə çatdırasınız.

Qarşı tərəfin mövqeyini də dərc etməyə hazırıq

Xəyalə Süleyman qızı
Axtarış sistemlərində qeydə alınmayan, aktiv keçid linki olmadan saytda yayımlanmış materialların köçürülməsi və yayımı qəti qadağandır! Qeyd olunan qaydalara əməl olunaraq başqa saytlarda yayımlanmış materiallara bildirilən fikirlərə görə sayt rəhbərliyi məsuliyyət daşımır!

Azərbaycan Respublikası, Bakı şəhəri

(+99470) 600 50 01

(+99450) 229 29 20

(+994 70) 734 50 00


[email protected]