BolgeXeber.Com » Sosial » Daha bir şok bahalaşma - İndi də ətin qiyməti qalxdı

Daha bir şok bahalaşma - İndi də ətin qiyməti qalxdı

2-08-2016, 18:15

Oxunub: 4 387

Son iki ayda mal ətinin qiyməti 14%-ə yaxın bahalaşıb

Avqustun 1-dən mal əti 0,50 manat və ya 6,6% bahalaşaraq 1 kq-ı 8 manata çatıb.

Bu, son iki ayda ikinci bahalaşmadır. İyunda ət 0,50 manat - 7 manatdan 7,50 manata və ya 7,1% bahalaşmışdı.

Ət ötən illər iyun-iyulda 7 manatdan 7,50 manata bahalaşıb. 2014-cü ilin avqust-sentyabrında Bakı və rayonlarda mal əti 8 manatdan 8,5 manata qədər bahalaşıb, sonra 7 və 7,5 manata düşüb. 2015-ci ilin yanvarında isə ətin qiyməti 7 manata düşüb.

Mal əti 2012-ci ilin sonu, 2013-cü ildə 9 manata qədər bahalaşmışdı. Ekspertlərin fikrincə, indiki bahalaşma toy mövsümü ilə bağlıdır. Ona görə avqust-sentyabrda qiymətlər 8,50 - 9 manata qədər arta bilər.

Hazırda heyvandarlıqda vəziyyət ürəkaçan deyil. Manatın devalvasiyası ilə bağlı yem və digər xərclər bahalaşır. Digər tərəfdən istehlakçıların ödəniş qabiliyyəti azalır.

Neft bumu dövründə – 2008-2014-cü illərdə ölkədə 1 nəfərə 31 kq ət düşüb. Bu göstəricidə mal ətinin payı 30%-ə yaxın olub. İndi bu göstərici azalır. Ticarətçilər mal ətinin aşağı likvidliyindən şikayətlənir.
Turan

Çox Oxunanlar

Axtarış sistemlərində qeydə alınmayan, aktiv keçid linki olmadan saytda yayımlanmış materialların köçürülməsi və yayımı qəti qadağandır! Qeyd olunan qaydalara əməl olunaraq başqa saytlarda yayımlanmış materiallara bildirilən fikirlərə görə sayt rəhbərliyi məsuliyyət daşımır!

Azərbaycan Respublikası, Bakı şəhəri

(+99470) 600 50 01

(+99450) 229 29 20

(+994 70) 734 50 00

[email protected]