BolgeXeber.Com » Sosial » Yasamal icra başçısından şəhid ailələri və əlillərə cavab " “hara gedirsiniz, gedin”

Yasamal icra başçısından şəhid ailələri və əlillərə cavab " “hara gedirsiniz, gedin”

22-08-2016, 15:53

Oxunub: 4 328 Yasamal icra başçısından şəhid ailələri və əlillərə cavab " “hara gedirsiniz, gedin”

Bu gün bir qrup Qarabağ əlili və şəhid ailəsi Yasamal Rayon İcra Hakimiyyətinə toplaşıb

Bu barədə AzNews.az-a icra hakimiyyətinə yollanan əlillərdən biri məlumat verib. Bildirib ki, sözügedən şəxslər Yeni Yasamal, Əsəd Əhmədov küçəsi 31 A ünvanının sakinləridir.

“Bina 2010-cu ildə “Altıncı mərtəbə” şirkəti tərəfindən tikilib. Burada 81 mənzil var, hamısında da Qarabağ əlili və şəhid ailələri yaşayır. Binada saysız-hesabsız problemlər var və onların heç biri həll edilmir. Lift işləmir, içərisinin təmiri sökülüb-dağılıb, üzlüyü tamam yararsız vəziyyətdədir, heç bir sənədləşmə aparılmayıb. Biz də binadakı problemlə əlaqədar Yasamal rayon İcra Hakimiyyətinin başçısı ilə görüşmək istəyirik. 30 nəfərə yaxın sakin burdayıq. Deyirlər ki, üstünüzə polis çağırılacaq, buranı tərk edin”, - deyə Qarabağ əlili bildirib.

Bina sakinləri isə hədə-qorxuya rəğmən icra başçısıyla görüşməyə israr ediblər. Bir qədər sonra icra başçısı İbrahim Mehdiyev onları binanın foyesində qarşılayıb: “Çıxdı bizə dedi ki, sizi qəbul etmirəm. Biz də bildirdik ki, gedəcəyik prezidentə şikayət edəcəyik. Cavab verdi ki, “hara gedirsiniz, gedin””.
Yasamal icra başçısından şəhid ailələri və əlillərə cavab " “hara gedirsiniz, gedin”

Çox Oxunanlar

Axtarış sistemlərində qeydə alınmayan, aktiv keçid linki olmadan saytda yayımlanmış materialların köçürülməsi və yayımı qəti qadağandır! Qeyd olunan qaydalara əməl olunaraq başqa saytlarda yayımlanmış materiallara bildirilən fikirlərə görə sayt rəhbərliyi məsuliyyət daşımır!

Azərbaycan Respublikası, Bakı şəhəri

(+99470) 600 50 01

(+99450) 229 29 20

(+994 70) 734 50 00

[email protected]