Bizimlə əlaqə | Reklam
BolgeXeber.Com » Sosial » Rəis müavinin qardaşı xanım iş adamını soydu

Rəis müavinin qardaşı xanım iş adamını soydu

22-08-2012, 11:15
Oxunub: 5 283 Qadın içində mobil telefon və 170 manat pul olan çantasını əlindən buraxmaq isətəməyəndə cinayətkarlar onu yolda 10 metrdən artıq sürüyüb

Bakıda xanım iş adamına qarşı azyaşlı övladının gözləri qarşısında amansız cinayət törədilib. Bolgexeber.com xəbər verir ki, cinayəti törədən şəxslərdən biri paytaxt polisində yüksək vəzifə tutan polis zabitinin qardaşıdır.

Nizami polisindən verilən məlumata görə, hadisə Naxçıvanski küçəsində yaşayan 40 yaşlı Səbinə Miryaqubovaya qarşı baş verib. Belə ki, o, avqustun 20-də saat 17 radələrində 4 yaşlı qızı ilə evinə gedərkən gözlənilməz halla üzləşib. Yolun kənarında dayanmış “VAZ-21 015” markalı avtomobilin sürücüsünün yanında əylşən şəxs həmin yerdən keçən xanımın çantasını əlindən alaraq qaçıb. Qadın içində mobil telefon və 170 manat pul olan çantasını əlindən buraxmaq isətəməyəndə cinayətkarlar onu yolda 10 metrdən artıq sürüyüb.

Bədən xəsarətləri alan qadın polisə müraciət edib. Dərhal əməliyyata başlayan polis cinayəti törətməkdə şübhəli bilinən 32 yaşlı Emil Hacıyev və 23 yaşlı Tural Səfərzadəni həbs edib. Saxlanılan şəxslər ilkin ifadələrində qadını üzərində xeyli qızıl əşyaları olduğundan zəngin zənn etdiklərini və buna görə də soyduqlarını deyiblər.
Qeyd edək ki, cinayətdə şübhəli bilinən T.Səfərzadə isə Xəzər rayon Polis İdarəsinin 2-ci polis bölməsinin rəis müavini Zəka Səfərovun qardaşıdır.
Axtarış sistemlərində qeydə alınmayan, aktiv keçid linki olmadan saytda yayımlanmış materialların köçürülməsi və yayımı qəti qadağandır! Qeyd olunan qaydalara əməl olunaraq başqa saytlarda yayımlanmış materiallara bildirilən fikirlərə görə sayt rəhbərliyi məsuliyyət daşımır!

Azərbaycan Respublikası, Bakı şəhəri

(+99470) 600 50 01

(+99450) 229 29 20

(+994 70) 734 50 00


[email protected]