Bizimlə əlaqə | Reklam
BolgeXeber.Com » Sosial » Azərbaycanda məktəblərdə müəllimlər iki aydır maaş almır?

Azərbaycanda məktəblərdə müəllimlər iki aydır maaş almır?

10-11-2016, 17:48
Oxunub: 4 153 Azərbaycanda məktəblərdə müəllimlər iki aydır maaş almır?Respublikanın orta məktəblərində çalışan müəllimlər iki aydır ki, əmək haqqı almırlar

Əksər müəllimlər bununla bağlı narazılıq etsələr də, problemin ictimailəşdirilməsi zamanı adlarının çəkilməsindən ehtiyat edirlər.

Bolgexeber.com xəbər verir ki, yaranmış vəziyyətlə bağlı virtualaz.org-un redaksiyasına həm paytaxt, həm də digər rayonlarda yaşayan orta məktəb müəllimləri tərəfindən şikayətlər daxil olub.

Adının çəkilməsini istəməyən biologiya müəlliməsinin sözlərinə görə, əmək haqlarının gecikdirilməsi səbəbindən banklardan götürdüyü krediti də ödəyə bilmir:

“İki aydır ki, maaş almırıq. Təhsil şöbəsindən bunu tarifikasiyaların hələ təsdiq olunmaması ilə əlaqələndirirlər. Doğrudur, bu iki ay ərzində bir dəfə avans almışıq. Amma bu pul ehtiyaclarımızı ödəmir. Kreditlərimiz var, müalicə olunmalıyıq, xeyir-şər var, çıxılmaz vəziyyətdə qalmışıq. Elə müəllimlər var ki, uşaq hazırlaşdırırlar. Mənim səhhətim imkan vermədiyinə görə repetitorluq da edə bilmirəm”.

Bəzi iqtisadçı-ekspertlərin fikrincə, hökumət dövriyyədəki manat kütləsini azaltmaq, bununla da milli valyutanın kəskin ucuzlaşmasının qarşısını ala bilmək üçün büdcədən maliyyələşdirilən təşkilatlarda əmək haqlarını gecikmələrlə ödəyir. Habelə, məlumatlara görə, büdcə vəsaitləri ilə icra olunan bir çox layihələrdə də podratçılar vəsaitləri gecikmələrlə alırlar.

Təhsil Nazirliyinin İctimaiyyətlə əlaqələr şöbəsinin müdiri Cəsarət Valehov bütün məktəblərdə maaşların gecikdirilməsi ilə bağlı deyilənləri inkar etdi.

Onun sözlərinə görə, əgər belə bir fakt varsa, konkret müraciət olunmalıdır:

“Respublikanın bütün məktəblərində müəllimlərin maaşları gecikdirilə bilməz. Əgər konkret fakt varsa, bizə bildirin, biz də araşdıraq. Ümumiyyətlə, bununla bağlı nazirliyin elektron ünvanına sorğu göndərmək lazımdır”.
Axtarış sistemlərində qeydə alınmayan, aktiv keçid linki olmadan saytda yayımlanmış materialların köçürülməsi və yayımı qəti qadağandır! Qeyd olunan qaydalara əməl olunaraq başqa saytlarda yayımlanmış materiallara bildirilən fikirlərə görə sayt rəhbərliyi məsuliyyət daşımır!

Azərbaycan Respublikası, Bakı şəhəri

(+99470) 600 50 01

(+99450) 229 29 20

(+994 70) 734 50 00


[email protected]