Bizimlə əlaqə | Reklam
BolgeXeber.Com » Sosial » Yol polisini hicabla aldadırlar

Yol polisini hicabla aldadırlar

25-08-2012, 18:05
Oxunub: 5 447 Sürücülük vəsiqəsindən məhrum edilməmək üçün Türkiyədə qadın sürücülər arasında yeni metod çox geniş yayılıb.

Spirtli içki qəbul edən qadınların əksəriyyəti, artıq polisin yollarda tətbiq etdiyi alkoqol nəzarətindən canlarını qurtarmaq üçün yeni üsuldan istifadə edirlər.
Avtomobillərində hicab gəzdirən bu qadınlar, içkili olduqları zaman yollardakı polis nəzarət nöqtələrinə yaxınlaşarkən hicabı başlarına örtərək özləri haqqında mömin və imanlı qadın təsəvvürü yaradırlar. Əksər vaxtlar polislərin heç saxlatmadıqları "hicablı qadınların" bu hiyləgərliyinin üstü açılıb.

Türkiyənin kurort şəhərlərindən birində, gecə polisin saxlatdığı avtomobillərin birinin sükanı arxasından iki sərxoş, amma hicablı qadın çıxıb. Sərxoşluğun dərəcəsindən ayaq üstə güclə duran qadınların, hicabı belə düzgün örtmədikləri çox maraqlı səhnə yaradıb.

Sürücülük vəsiqəsi əlindən alınan qadın polislərə, bu üsuldan çox tez-tez istifadə etdiyini deyib.

Qadının sözlərinə görə, əksər rəfiqələri də içkili vaxtı bu sınanmış metodun köməyi ilə polisi aldadaraq nəzarətdən və sürücülük hüququndan məhrumiyyətdən yaxa qurtara bilirlər.
Axtarış sistemlərində qeydə alınmayan, aktiv keçid linki olmadan saytda yayımlanmış materialların köçürülməsi və yayımı qəti qadağandır! Qeyd olunan qaydalara əməl olunaraq başqa saytlarda yayımlanmış materiallara bildirilən fikirlərə görə sayt rəhbərliyi məsuliyyət daşımır!

Azərbaycan Respublikası, Bakı şəhəri

(+99470) 600 50 01

(+99450) 229 29 20

(+994 70) 734 50 00


[email protected]