Bizimlə əlaqə | Reklam
BolgeXeber.Com » Sosial » Bakıda 10 min manata kirayə ev var - Qiymətlər artıb

Bakıda 10 min manata kirayə ev var - Qiymətlər artıb

20-01-2017, 18:15
Oxunub: 4 265 Bakıda 10 min manata kirayə ev var - Qiymətlər artıbYeni ilin ilk ayında Bakıda mənzillərin kirayə qiymətləri artıb


Bolgexeber.com verir ki, 2016-cı ilin dekabr ayına nisbətən ucuz mənzillər (200-500 manat) 3,9% bahalaşıb.

“Əmlak Bazarı İştirakçıları” İctimai Birliyinin monitorinq qrupunun apardığı araşdırmalara əsasən, paytaxt ərazisində yanvar ayında orta qiymətə olan mənzillərin (500-1000 manat) kirayə haqqı 1,4%, bahalı mənzillər (1000-3000 manat) 4,9% artıb. Eksklüziv mənzillərin (3000-10000 manat) isə kirayə haqqı 5,2% ucuzlaşıb.

Bazarda ən çox paya malik olan ucuz və orta qiymətli kirayə mənzillərdir. Beləliklə, ucuz mənzillər bazarın 43,7%-ni, orta qiymətə olan mənzillər 43%-ni təşkil edib.

Bahalı mənzillərin payı isə 13,3%-dir. Ən az paya eksklüziv mənzillər sahib olublar - 0,1%. Qeyd edək ki, Bakı şəhəri üzrə ən ucuz birotaqlı, əşyasız kirayə mənzil Köhnə Günəşli qəsəbəsində yerləşir və aylıq kirayə haqqı 180 manat təşkil edir.

Paytaxtda ən bahalı kirayə mənzil Səbail rayonunda yerləşir və aylıq 10000 manat təşkil edir. Beləliklə, şəhərə və dənizə panoraması olan “Flame of Towers” yaxınlığında yerləşən 5 otaqlı eksklüziv təmirli və tam əşyalı mənzil bazara təklif olunub. Mənzilin ümumi sahəsi – 530 kv.m.
Axtarış sistemlərində qeydə alınmayan, aktiv keçid linki olmadan saytda yayımlanmış materialların köçürülməsi və yayımı qəti qadağandır! Qeyd olunan qaydalara əməl olunaraq başqa saytlarda yayımlanmış materiallara bildirilən fikirlərə görə sayt rəhbərliyi məsuliyyət daşımır!

Azərbaycan Respublikası, Bakı şəhəri

(+99470) 600 50 01

(+99450) 229 29 20

(+994 70) 734 50 00


[email protected]