Bizimlə əlaqə | Reklam
BolgeXeber.Com » Sosial » Azərbaycanda bananın qiyməti kəskin qalxdı

Azərbaycanda bananın qiyməti kəskin qalxdı

26-03-2017, 11:05
Oxunub: 4 422 Azərbaycanda bananın qiyməti kəskin qalxdıÖlkə bazarlarında bananın qiyməti qəfil sıçrayışla bahalaşıb

Bu barədə musavat.com-a satıcılar məlumat verib. Onların dediyinə görə, bir müddət əvvəl hətta 2 manatdan aşağı satdıqları bananın topdansatış qiyməti hazırda 3.50-3.60 AZN arasında dəyişir. “Əvvəl bu məhsulun qutusunu 35 manata alırdıqsa, indi 70 manatadır. İndiki halda bananın hər kilosunda bizə 20 qəpik qalır. Ancaq biri qaraldısa, ziyana düşürük”-ticarətçilərdən biri deyib.

Satıcılar bananın qiymətində bayramdan sonra bahalaşmanın müşahidə olunmasını anlaşılmaz sayırlar: “Bu günlərdə mətbuatda oxuduq ki, Avropa ölkələrində Novruz bayramı günlərində endirimlər olub. Ancaq bizdə nəinki bayramda, ondan sonra da bahalaşma dayanmır”.

Qeyd edək ki, bir neçə ay bundan əvvəl bananın qiymətində endirim olarkən bu məhsulun monopoliyasına son qoyulduğu və onun idxalının sərbəst buraxıldığı iddiası var idi. Ancaq son gəlişmə bunun əksini deyir.

Yeri gəlmişkən, bayramdan sonra digər məhsulların da ucuzlaşacağı ilə bağlı gözləntilər də özünü doğrultmayıb. Məsələn, son bir-iki gündə şabalıd 5-6 manatdan 8 manatadək bahalaşıb. Manatın məzənnəsinin sabit qaldığı, hətta alıcılıq qabiliyyətinin aşağı düşdüyü halda, bu bahalaşmanın səbəbi bəlli deyil.
Axtarış sistemlərində qeydə alınmayan, aktiv keçid linki olmadan saytda yayımlanmış materialların köçürülməsi və yayımı qəti qadağandır! Qeyd olunan qaydalara əməl olunaraq başqa saytlarda yayımlanmış materiallara bildirilən fikirlərə görə sayt rəhbərliyi məsuliyyət daşımır!

Azərbaycan Respublikası, Bakı şəhəri

(+99470) 600 50 01

(+99450) 229 29 20

(+994 70) 734 50 00


[email protected]