BolgeXeber.Com » Sosial » Ətin qiyməti niyə bahalaşıb?

Ətin qiyməti niyə bahalaşıb?

10-07-2017, 11:01

Oxunub: 5 050 Ətin qiyməti niyə bahalaşıb?

Ərəb şeyxlərinin öz ölkələrinə qoyun əti ixracı Azərbaycanda ətin qiymətini bahalaşdırıb

Bolgexeber.com xəbər verir ki, təxminən 2 ay əvvəl 1 manat - 1 manat 50 qəpik ucuzlaşan ət yenidən bahalaşıb. Mal əti 11 manat 50 qəpik, qoyun əti 12-13 manat, quzu əti 14 manata təklif edilir.

Bəzi məlumatlara görə, Azərbaycanda qoyun ətinin bahalaşmasında ərəblərin xüsusi payı var. İddiaya görə, isti ərəb ölkələrində yetişdirilən qoyun, quzu, mal ətinin tamı Azərbaycanda yetişdirilən mal-qara ətinin tamından çox fərqlidir və Azərbaycanın təklif etdiyi ət daha dadlıdır. Bu da həmin mal-qaranın qəbul etdiyi qida ilə bağlıdır ki, isti ərəb ölkələrində heyvanlar Azərbaycandakı kimi təbii otlaqlarda yetişdirilmir.

Kənd Təsərrüfatı Nazirliyi Aparatının Heyvandarlığın inkişafı şöbəsinin müdiri Qalib Əbdüləliyev Modern.az-a deyib ki, qoyunların və qoyun ətinin ixracı sırf kommersiya məsələsidir:

“Bu, rentabellik baxımından da əlverişlidir. Hazırda qoyun əti kiçik partiyalarla, sınaq məqsədilə ərəb ölkələrinə ixrac olunub. Amma kütləvi qaydada ərəb ölkələrinə qoyun ixracı yoxdur. Bəlkə kimsə müəyyən səbəblərdən, yol xərclərini hesablamaq üçün aparıb. Bu, istisna edilmir”.

Kənd təsərrüfatı üzrə ekspert Vahid Məhərrəmov da bildirib ki, ölkədə alıcılıq qabiliyyəti ərəblərin hesabına artıb. Bu da öz növbəsində ətə tələbatı artırdığından qiymətlər bahalaşıb.

Çox Oxunanlar

Axtarış sistemlərində qeydə alınmayan, aktiv keçid linki olmadan saytda yayımlanmış materialların köçürülməsi və yayımı qəti qadağandır! Qeyd olunan qaydalara əməl olunaraq başqa saytlarda yayımlanmış materiallara bildirilən fikirlərə görə sayt rəhbərliyi məsuliyyət daşımır!

Azərbaycan Respublikası, Bakı şəhəri

(+99470) 600 50 01

(+99450) 229 29 20

(+994 70) 734 50 00

[email protected]