Bizimlə əlaqə | Reklam
BolgeXeber.Com » Sosial » Həkim-terapevt: "Küçədə satılan peraşki beyin sisteminə və damarların divarlarına mənfi təsir göstərir"

Həkim-terapevt: "Küçədə satılan peraşki beyin sisteminə və damarların divarlarına mənfi təsir göstərir"

12-10-2017, 10:05
Oxunub: 4 489 Həkim-terapevt: "Küçədə satılan peraşki beyin sisteminə və damarların divarlarına mənfi təsir göstərir"Bakıda yol kənarlarındakı köşklərin qarşısında insanların toplaşıb peraşki yediyini görmək adi haldır

Toz-torpaqlı paytaxt havasında üzərində kifayət qədər yağ olduğu üçün havada uçuşan tozun asanlıqla üzərinə yapışdığı qutabları, peraşkiləri yeyənlərin yol verdiyi qeyri-gigiyenik hərəkətlər bununla bitmir. Onların hamısı dişlədikləri qutabları balaca bir qabda ortaya qoyulan eyni tomat sousuna batırırlar. Bu kimi halları xüsusilə günorta saatlarında daha çox müşahidə etmək mümkündür. Bu cür yeyəcəkləri qutularda şəhərin küçələrində gəzdirib satanlara da rast gəlmək olur.
Səhiyyə Nazirliyinin Gigiyena və Epidemiologiya Mərkəzinin Sanitariya-gigiyena şöbəsinin müdiri Ziyəddin Kazımov "Report"a bildirib ki, hazırda heç bir yoxlama aparılmadığından baş verən neqativ hallarla bağlı məlumat yoxdur: "Bununla yanaşı, peraşkilərin, qutabların eyni qabda olan sousa batırılıb yeyilməsi gigiyenik qaydaların pozulmasıdır. Gigiyenik tələblərin pozulması insanlarda xəstəliklərin yayılmasına səbəb ola bilər. Ümumiyyətlə, peraşki və qutabların təkrar yağda qızardılması, tomat sousunun birlikdə istifadə olunması yolverilməzdir. Əgər bitki mənşəli yağdan istifadə olunursa, ilk istifadədən sonra atılmalıdır. Təkrar istifadəsi yolverilməzdir".
Həkim-terapevt İbrahim Əfəndiyev isə bildirib ki, açıq havada, plastik qablarda peraşki və qutabların saxlanması, istifadə olunması yolverilməzdir. Onun sözlərinə görə, bu cür qidaların bişirilmə qaydası da sanitariya qaydalarına uyğun gəlmir: "Məhsulun xəmirinin harada və kimlər tərəfindən necə hazırlandığı bilinmir. Yağlar bir dəfə qızartmadan sonra atılmalıdır. Amma hazır peraşkilərin üzərinə yapışmış qara nöqtələr yağların təkrar-təkrar istifadəsinin göstəricisidir. Bunlar da güclü toksiki təsirə malikdir. Gələcəkdə həm beyin sisteminə, həm damarların divarlarına mənfi təsir göstərir".
Həkim bildirib ki, qutabın içinə qoyulan məhsulların da haradan gətirildiyi bilinmir: "İnsanlar ac olduqları üçün bu məhsullarla qidalanır. Nəticədə isə bütün orqanizm ziyan görür".
Axtarış sistemlərində qeydə alınmayan, aktiv keçid linki olmadan saytda yayımlanmış materialların köçürülməsi və yayımı qəti qadağandır! Qeyd olunan qaydalara əməl olunaraq başqa saytlarda yayımlanmış materiallara bildirilən fikirlərə görə sayt rəhbərliyi məsuliyyət daşımır!

Azərbaycan Respublikası, Bakı şəhəri

(+99470) 600 50 01

(+99450) 229 29 20

(+994 70) 734 50 00


[email protected]