BolgeXeber.Com » Sosial » Qoşqar Hacıyev komadan ayıldı (VİDEO)

Qoşqar Hacıyev komadan ayıldı (VİDEO)

27-10-2018, 12:41

Oxunub: 6 454

Bir neçə gün öncə ağır vəziyyətdə xəstəxanaya yerləşdirilən qazi Qoşqar Hacıyev komadan ayılıb.

Bolgexeber.com xəbər verir ki, bu barədə Qoşqarın müalicəsinə nəzarət edən anestezioloq-reanimatoloq Serkan Şenkal Real TV-yə danışıb. O bildirib ki, hazırda xəstənin vəziyyəti stabilləşib.

Vaxtilə onu Gülhanə Hərbi Tibb Akademiyasında əməliyyat etmiş həkimlərin nəzarətində olan Qoşqar Hacıyev növbəti dəfə əməliyyat olunacaq.

Gülhanə Hərbi Tibb Akademiyasında qazimizin əməliyyatını həyata keçirən neyrocərrah Özkan Tehli bildirib ki, bu barədə xəstənin vəziyyəti tam stabilləşəndən sonra qərar veriləcək.

Qeyd edək ki, 2015-ci ilin sentyabr ayının 2-də düşmənin kəşfiyyat-diversiya hücumunun qarşısını alarkən başından ağır yaralanan "N” saylı hərbi hissənin müddətdən artıq həqiqi hərbi xidmət keçən hərbi qulluqçusu Hacıyev Qoşqar Zahid oğlunun müalicəsi yerli tibb müəssisələri ilə yanaşı, xaricdə də həyata keçirilib. O, ilk dəfə 2016-cı ildə məhz Prezident İlham Əliyevin tapşırığı, Heydər Əliyev Fondunun dəstəyi ilə bir neçə dəfə Türkiyədə müxtəlif xəstəxanalarda müalicə olunub.

Bir neçə gün öncə vəziyyəti ağırlaşanda isə Birinci vitse-prezident, Heydər Əliyev Fondunun rəhbəri Mehriban xanım Əliyevanın göstərişi ilə müalicəsi nəzarətə götürülüb. Onu vaxtilə Gülhanə Hərbi Tibb Akademiyasında müalicə edən həkimlər hazırda Bakıdakı Ege Hospitalında olduğundan, Qoşqar Hacıyev bu xəstəxanaya yerləşdirilib.

Q.Hacıyevin müalicəsi Heydər Əliyev Fondunun nəzarətindədir.

Çox Oxunanlar

Axtarış sistemlərində qeydə alınmayan, aktiv keçid linki olmadan saytda yayımlanmış materialların köçürülməsi və yayımı qəti qadağandır! Qeyd olunan qaydalara əməl olunaraq başqa saytlarda yayımlanmış materiallara bildirilən fikirlərə görə sayt rəhbərliyi məsuliyyət daşımır!

Azərbaycan Respublikası, Bakı şəhəri

(+99470) 600 50 01

(+99450) 229 29 20

(+994 70) 734 50 00

[email protected]