Bizimlə əlaqə | Reklam
BolgeXeber.Com » Sosial » Dövlət Komitəsi: “Azərbaycanda qadınlara qarşı zorakılıqla bağlı statistika saxtalaşdırılır”

Dövlət Komitəsi: “Azərbaycanda qadınlara qarşı zorakılıqla bağlı statistika saxtalaşdırılır”

22-05-2019, 13:18
Oxunub: 5 453 Dövlət Komitəsi: “Azərbaycanda qadınlara qarşı zorakılıqla bağlı statistika saxtalaşdırılır”“Azərbaycanda qadınlara qarşı zorakılıqla bağlı statistikaların saxtalaşdırılması faktları var”

ONA-nın məlumatına görə, bunu Ailə, Qadın, Uşaq Problemləri Komitəsinin İnformasiya və analitik araşdırmalar şöbəsinin baş məsləhətçisi Aynur Veysəlova deyib. A.Veysəlova bildirib ki, bu, daha çox açılan cinayət işlərinin maddəsinin dəyişdirilməsi ilə özünü biruzə verir: “Məişət zorakılığına məruz qalma halları ilə bağlı rəqəmlər üst-üstə düşmür. Məsələn, ilin ortasında Komitəyə Cinayət Məcəlləsinin 125-ci maddəsi (özünü öldürmə həddinə çatdırma) ilə açılmış işlərlə bağlı təqribən 60-a yaxın fakt daxil olur. İlin sonunda statistikada rəqəm 37 göstərilir. Daxili İşlər Nazirliyinə zəng vurub rəqəmlərdəki fərqin səbəbini soruşanda, deyirlər ki, araşdırmalarla açılmış cinayət işinin maddəsi dəyişdirilib”.

Komitə rəsmisinin sözlərinə görə, insan amili olan proseslərdə diqqətli olmaq, problemləri gizlətmək yox, açmaq lazımdır: “Rayonlara səfər zamanı hüquq-mühafizə orqanlarından erkən nikah, zorlama halları ilə bağlı məlumat istəyəndə tarixdən, Tomrisdən danışırlar. Deyirəm, mən tarixi də bilirəm, Tomrisi də tanıyıram. Mənə fakt lazımdır, zorlama, erkən nikahla bağlı fakt verin”.
Axtarış sistemlərində qeydə alınmayan, aktiv keçid linki olmadan saytda yayımlanmış materialların köçürülməsi və yayımı qəti qadağandır! Qeyd olunan qaydalara əməl olunaraq başqa saytlarda yayımlanmış materiallara bildirilən fikirlərə görə sayt rəhbərliyi məsuliyyət daşımır!

Azərbaycan Respublikası, Bakı şəhəri

(+99470) 600 50 01

(+99450) 229 29 20

(+994 70) 734 50 00


[email protected]