BolgeXeber.Com » Sosial » “Sosial evlər 1000 manatdan aşağı maaş alanlar üçün əlçatan deyil”

“Sosial evlər 1000 manatdan aşağı maaş alanlar üçün əlçatan deyil”

4-11-2019, 16:17

“Mənzil İnşaat Dövlət Agentliyi (MİDA) Yasamalda inşa etdiyi güzəştli mənzillərin bir kvadratını təxminən 950 manata satır”.

Bu barədə Bizimyol.info-ya Azərbaycan Milli Elmlər Akademiyasının (AMEA) əməkdaşı, filologiya üzrə fəlsəfə doktoru Əpoş Vəliyev bildirib. O, “sosial ev”lərdən mənzil almaq üçün dəfələrlə müraciət etsə də, cəhdlərinin nəticəsiz qaldığını deyib.

O bildirib ki, hazırda Bakı şəhərinin müxtəlif yerlərində kvadratı 800-900 manata olan evlər kreditlə və ya ipoteka ilə satılır: “Mənzillərin nəğd qiymətə satılmasının doğru deyil və burada güzəşt, ya da sosiallıq həqiqətə uyğun deyil. Özəl tikinti şirkətlərindən fərqli olaraq, MİDA-ya torpağın pulsuz verildiyini, infrastukturu dövlətin yaratdığını,

sənədləşmədə, istərsə də digər məsələlərdə güzəştə gedildiyini xatırlasaq, əslində MİDA-nın bu mənzilləri maya dəyərindən xeyli baha satdığını qeyd edə bilərik”.

“Sosial ev”lərə namizəd olmuş Ə.Vəliyev bildirdi ki, MİDA-nım satdığı mənzillərin qeyri-rəsmi kirayə verilməsi halları var: “Mənzillər həqiqətən də ehtiyacı olanlara satılmalıdır”.

Ə.Vəliyev bildirib ki, də 1000 manatdan aşağı maaş alanlara MİDA-dan mənzil almaq üçün agent bankların ipoteka vermir: “ Hazırda AMEA-da çalışan elmi işçilərin maaşı 800 manatdan aşağıdır, ona görə də bank elmi işçi və alimlərə ipoteka verməkdən imtina edir. O zaman haqlı olaraq sual yaranır: Güzəştli mənzillər kimin üçün nəzərdə tutulub? 1000 manatdan yuxarı maaş alanlara bank MİDA-dan güzəştli mənzil əldə etmək üçün ipoteka verirsə və onlar aztəminatlı sayılırsa, bəs 1000 manatdan az maaş alanlar hansı kateqoriya sayılır?”

Çox Oxunanlar