Bizimlə əlaqə | Reklam
BolgeXeber.Com » Sosial » Təhsil Nazirliyindən şagirdlərə güzəşt edilməsi ilə bağlı AÇIQLAMA

Təhsil Nazirliyindən şagirdlərə güzəşt edilməsi ilə bağlı AÇIQLAMA

14-04-2020, 13:41
Oxunub: 5 811 “Hazırda koronavirus pandemiyasının nə qədər davam edəcəyini proqnozlaşdırmaq mümkün deyil. Təbii ki, bəlli bir vaxtdan sonra karantin rejimi ləğv ediləcək. Şagirdlərimiz tədris müəssisələrində dərslərə davam edəcəklər”. 
Bunu Təhsil nazirinin müavini İdris İsayev “Real” TV-də çıxışı zamanı bildirib.
O qeyd edib ki, karantin rejimi dövründə şagirdlərin biliklərinin qiymətləndirilməsi məsələsinə fərdi yanaşma olmalıdır:

“Aktiv təhsil prosesi başlayanda müəllimlər, pedaqoqlar müəyyən vasitələrdən istifadə edərək, şagirdlərimizin teledərslər və onlayn dərsləri necə mənimsəməsi barədə qiymətləndirmə aparacaqlar.
Bundan sonra müvafiq qərar qəbul ediləcək. Texnoloji proqramlarda müəyyən qiymətləndirmə var, hazırda bununla bağlı dəqiq cavab vermək mümkün deyil. Təhlillər apardıqdan sonra Təhsil Nazirliyi tərəfindən qərar veriləcək”.
İ.İsayev qeyd edib ki, şagirdlərə hər hansı güzəştin edilməsi ilə bağlı indidən danışmaq tezdir:
“Şagirdlər, tələbələr təhsil müəssisələrinə qayıtdıqdan sonra bu barədə danışmaq olar. Mövcud vəziyyəti heç kim gözləmirdi. Təbii ki, bütün imkanlardan istifadə olunaraq, təhsilalanlara maksimum dərəcədə kömək ediləcək”. 
Axtarış sistemlərində qeydə alınmayan, aktiv keçid linki olmadan saytda yayımlanmış materialların köçürülməsi və yayımı qəti qadağandır! Qeyd olunan qaydalara əməl olunaraq başqa saytlarda yayımlanmış materiallara bildirilən fikirlərə görə sayt rəhbərliyi məsuliyyət daşımır!

Azərbaycan Respublikası, Bakı şəhəri

(+99470) 600 50 01

(+99450) 229 29 20

(+994 70) 734 50 00


[email protected]