Bizimlə əlaqə | Reklam
BolgeXeber.Com » Sosial » VÖEN-i olub, 190 manat almaq istəyən vətəndaşların nəzərinə - Nazir müavini əsas şərtləri açıqladı

VÖEN-i olub, 190 manat almaq istəyən vətəndaşların nəzərinə - Nazir müavini əsas şərtləri açıqladı

22-04-2020, 14:08
Oxunub: 6 467 "Xüsusi karantin rejiminə görə işini itirən qeyri-formal işləmiş aztəminatlı vətəndaşlar birdəfəlik ödəməni (190 manat) almaq istəyirlərsə, adlarına olan və istifadə etmədikləri VÖEN-ə xitam verməlidirlər”.

Bolgexeber.com xəbər verir ki,bunu Oxu.Az-a açıqlamasında Əmək və Əhalinin Sosial Müdafiəsi nazirinin müavini Anar Kərimov bildirib.

O qeyd edib ki, aktiv VÖEN-i olan şəxslərə 190 manat müavinət verilməyəcək:

"Vətəndaşın VÖEN-i olub, amma uzun müddət istifadə etmirsə, əvvəlcə ona xitam vermək lazımdır. Daha sonra 190 manat almaq üçün müraciət etmək mümkündür. Bu zaman sistemdə həmin şəxslərin məlumatları yoxlananda, o adamın adında aktiv VÖEN çıxmayacaq və vəsaiti alacaq. Yəni "kiminsə 3-5 il bundan qabaq VÖEN-i olubsa, ona 190 manat maddi yardım düşməyəcək” söhbəti yoxdur”. 

A.Kərimov qeyd edib ki, Əmək və Əhalinin Sosial Müdafiəsi Nazirliyi tərəfindən tədbirlər görülür ki, qəbul olunmuş meyarlar əsasında vətəndaşların müraciətlərinə operativlik təmin edilsin:

"Proqramın tətbiqinə aprelin 7-də başlanılıb. Müraciət edən şəxslərə müsbət və ya imtina cavabları mütləq gələcək. Əgər həmin şəxsə imtina gəlibsə, bunun səbəbi də qeyd ediləcək”.
Axtarış sistemlərində qeydə alınmayan, aktiv keçid linki olmadan saytda yayımlanmış materialların köçürülməsi və yayımı qəti qadağandır! Qeyd olunan qaydalara əməl olunaraq başqa saytlarda yayımlanmış materiallara bildirilən fikirlərə görə sayt rəhbərliyi məsuliyyət daşımır!

Azərbaycan Respublikası, Bakı şəhəri

(+99470) 600 50 01

(+99450) 229 29 20

(+994 70) 734 50 00


[email protected]