Bizimlə əlaqə | Reklam
BolgeXeber.Com » Sosial » Günə 500-dən çox adamın yoluxmasının səbəbi BU imiş

Günə 500-dən çox adamın yoluxmasının səbəbi BU imiş

8-07-2020, 11:20
Oxunub: 4 883

Artıq iki həftədir ki, ölkədə sərt karantin rejimi tətbiq olunur. Bu dövrdə yoluxmaların sayı 500-600 nəfəri arası dəyişib. Rəsmi qurumlar yoluxma sayının sabit saxlanıldığını bildirir.

Lakin eyni zamanda davam edən bu sayın mənbəyi də maraq doğurur. Maraqlıdır, sərt karantin rejimi dövründə yoluxanlar hansı kateqoriyaya aiddir? İşləyən, yəni şəhərdə hərəkət imkanları olanlar, yoxsa karantini evdə keçirənlər arasında daha çox yoluxma qeydə alınır?
Məsələ ilə bağlı  açıqlama verən terapevt Rasif Bağırov bildirib ki, yoluxma halları, əsasən, şəhərə çıxan insanlar arasında baş verir:
“Koronavirusu sabitləşdirdiklərini deyirlər, bunun nəyi sabitləşmədir? Günə 500-600 adamın yoluxması Azərbaycan kimi kiçik ölkə üçün böyük rəqəmdir. Hesablayanda aya nə qədər adam edir. Bildirim ki, evdə oturanlar arasında çox yoluxma olmur. Amma onu ad deyim ki, iki-üç gün evdə oturmağın da heç bir əhəmiyyəti yoxdur. Çünki inkubasiyon dövrü 2,3, hətta 4 həftə müddətində davam edir. Həmən müddətdə istənilən adamın başqasını yoluxdurma imkanı var. Ona görə də məsələ diqqətdə saxlanılmalıdır. İş yerlərində təkcə temperaturun ölçülməsilə məsələ həll olmur. Xəstələr var ki, heç temperaturları yoxdur, amma koronavirus xəstəliyinə tutulublar. Yəni bu, çox müxtəlif forma və variantlarda gedir. Ona görə də empirik üsulla yoxlamalar hələ xəstəliyin vaxtında aşkar olunması üçün heç bir əsas vermir. Ev şəraitində oturan adamların xəstələnməsində əsas rolu ailədə işləyən fərd oynayır. Şəhərə çıxırlar, işə gedirlər, nəticədə yoluxurlar və gəlib evdəkiləri də yoluxdururlar”.
Həkim iş yerlərində məsələnin tənzimlənmə yolları ilə bağlı da danışıb:
“İş yerlərində insanlar məsafəni gözləyirlərsə, əllərin təmizliyinə, kontakt məsələsinə nəzarət edirlərsə, maska taxırlarsa, onlarda yoluxma həddən artıq aşağı səviyyədə olacaq. İş yerlərində bu qaydalara tam şəkildə riayət olunmalıdır. Koronavirus icazə kağızına baxmır. Qurumlar əgər bunlara əməl etmirsə, şəxslər heç olmasa, öz səhhətlərini qorumaq üçün qaydalara fərdi olaraq riayət etsinlər. Bir şeyi də qeyd edim ki, işdə bir otaqda 20-30 nəfərin yığılması doğru deyil. İstənilən halda orada yoluxma olacaq”.
Yenisabah.az
Axtarış sistemlərində qeydə alınmayan, aktiv keçid linki olmadan saytda yayımlanmış materialların köçürülməsi və yayımı qəti qadağandır! Qeyd olunan qaydalara əməl olunaraq başqa saytlarda yayımlanmış materiallara bildirilən fikirlərə görə sayt rəhbərliyi məsuliyyət daşımır!

Azərbaycan Respublikası, Bakı şəhəri

(+99470) 600 50 01

(+99450) 229 29 20

(+994 70) 734 50 00


[email protected]