Güclü külək Bakıda fəsadlar törətdi

Güclü külək nəticəsində paytaxtın müxtəlif yerlərində hazırki vaxta kimi daha 13 ağacın sınması faktı qeydə alınıb.

Bakı Şəhər Yaşıllaşdırma Təsərrüfatı Birliyindən Bolgexeber.com-a verilən məlumata görə, bununla da zədələnən ağacların ümumi sayı 28-ə çatıb.

Qeyd olunub ki, həmin ağaclar kəsilərək ərazi təmizlənib. Küləkli hava şəraiti ilə əlaqədar birlikdə operativ qruplar yaradılıb və ağacların qırılmasına dair məlumat daxil olduqda onlar dərhal hadısə yerinə gələrək fəsadları aradan qaldırırlar.

Qeyd edək ki, birlik səhər saatlarında 15 ağacın zədələnməsi ilə bağlı məlumat yaymışdı.