BolgeXeber.Com » Sosial » Nəqliyyat Nazirliyindən taksi açıqlaması

Nəqliyyat Nazirliyindən taksi açıqlaması

1-07-2011, 16:55

Oxunub: 5 777

Haqqında şayiələr qoşulan taksilərin daha 900-ü ilin sonuna kimi Azərbaycana gətiriləcək

Azərbaycana gətirilən yeni taksilər haqqında hər gün məlumatlar, şayiələr yayılmaqda davam edirBolgexeber.com-un məlumatına görə, yeni taksilər haqqında yayılan informasiyalardan daha biri onların geri qaytarılacağı ilə bağlıdır. Bildirilir ki, artıq bir neçə həftə əvvəl xəttə buraxılan taksilərdən 2-nin mühərrikində nasazlıq yaranıb və təmirə dayandırılıb. London istehsalı olduğu bildirilən bu avtomobillərin “kitayiski” çıxması, qiymətinin reallıqdan 5 dəfə şişirdildiyi də deyilir. Bütün bu suallara Nəqliyyat Nazirliyi aydınlıq gətirib. Nazirliyin mətbuat xidmətinin rəhbəri Namiq Həsənov “Qafqazinfo”ya açıqlamasında deyib ki, şayiə xarakterli məlumatları aranı qarışdırmaq üçün yayırlar: “Bilmirəm bu yalan informasiyanı kim yayır? Amma rəsmi olaraq deyirəm ki, belə bir şey ola bilməz. Bu taksilər İngiltərə texnologiyası ilə hazırlanıb və keyfiyyəti yüksək səviyyəlidir. Bu dezinformasiyanı yayanlar böyük səhv edirlər. Heç bir geri qaytarılmadan və nasazlıqdan söhbət gedə bilməz”.

N. Həsənov ilin sonuna kimi daha 900 taksinin Azərbaycana gətiriləcəyini söyləyib: “Yaxın iki aya bu proses baş verəcək”.

Çox Oxunanlar