BolgeXeber.Com » Sosial » Prezidentə müraciət :"Məni vətəndaşlıqdan azad edin"

Prezidentə müraciət :"Məni vətəndaşlıqdan azad edin"

2-12-2013, 12:05

Oxunub: 5 717

Yevlax sakini prezidentə belə müraciət yolladı: "Məni vətəndaşlıqdan azad edin"

Yevlaxın Malbinəsi kəndində qeydiyyatda olan Yeni Azərbaycan Partiyasının üzvü Muxtarov Vüqar Vahid oğlu prezident İlham Əliyevə müraciət edib.Bolgexeber.com-a göndərdiyi şikayət məktubunda Vüqar Muxtarov yazır ki, sabiq həyat yoldaşı və qayınatası ilə məhkəmə çəkişmələrində hüququ pozulub: “Birgə nikah dövründə qazandığımız əmlakın (2 otaqlı mənzil, 18792 manat bank əmanəti, mənzilimizdə olan 9000 manat pul vəsaiti, 6444 manat dəyərində qızıl-zinət əşyaları, elektrik, məişət, mebel avadanlıqları) qanunsuz yollarla ələ keçirilməsindən məhkəməyə şikayət etməyimə baxmayaraq 22 iyun 2012-ci ildən küçədə qalmışam.

Bir neçə dəfə dövlətimə arxalanaraq, qanunların aliliyinə güvənərək Sizdən tapdalanmış hüquqlarımın bərpa olunmasını, mənzilimdə yaşamağımın təmin edilməsini, zorakılıq edərək hüquqlarımı pozmuş və birgə nikah dövründə qazandığımız əmlakı qanunsuz yollarla ələ keçirmiş Yaşar Abdullayev Səməd oğlunun və qızı Elmira Muxtarovanın (Abdullayeva), məhkəmə hakimlərinin qeyri-qanuni hərəkətlərinə hüquqi qiymət verilməsini xahiş etsəm də, heç bir tədbir görülməyib.

Azərbaycan dövləti qanunsuzluq edərək məni zorakılıqla mənzilimdən çıxarır, birgə nikah dövründə qazandığımız əmlakımdan məhrum edir. Qanunsuzluğun hökm sürdüyü vətənimdə yaşamaq artıq mümkün deyil. Mən də insanam, bu vəziyyətdə çöldə yaşayası deyiləm. Məni vətəndaşlıqdan azad edin”.

Çox Oxunanlar

Axtarış sistemlərində qeydə alınmayan, aktiv keçid linki olmadan saytda yayımlanmış materialların köçürülməsi və yayımı qəti qadağandır! Qeyd olunan qaydalara əməl olunaraq başqa saytlarda yayımlanmış materiallara bildirilən fikirlərə görə sayt rəhbərliyi məsuliyyət daşımır!

Azərbaycan Respublikası, Bakı şəhəri

(+99470) 600 50 01

(+99450) 229 29 20

(+994 70) 734 50 00

[email protected]