Bizimlə əlaqə | Reklam
BolgeXeber.Com » Sosial » Catel fəaliyyətini bərpa edir

Catel fəaliyyətini bərpa edir

2-08-2011, 20:05
Oxunub: 7 623 Şirkət “Azərfon”un idarəçiliyinə verilib

Bir müddətdir ki, CATEL şirkətinin (“Fonex” operatoru) ölkə üzrə şəbəkəsində yaranan problem hələ də aradan qaldırılmayıb. Aprelin əvvəlində CATEL rabitə operatoru şəbəkəsindəki ciddi nasazlıq CDMA standartı üzrə işləyən telefon sahiblərinin (417, 418 və 415 indeksli nömrələr, eləcə də Fonex şəbəkəsi - 040 zona şifrəsi altında başlayan nömrələr) şəbəkədən ayrılmasına gətirib çıxarıb. Rabitə sektorundakı etibarlı mənbədən “Yeni Müsavat”a daxil olan məlumata görə, CATEL artıq “Azərfon”un idarəçiliyinə verilib. Məlumatda o da bildirilir ki, CATEL şirkətinin 417 və 418 telefon nömrələri avqust ayının sonunda “Narmobile” tərəfindən istifadəyə qoşulacaq.
Bildirək ki, rabitə və informasiya texnologiyaları naziri Əli Abbasov da CATEL-in Bakı Telefon Rabitəsi İstehsalat Birliyi (BTRİB) və “Azerfon” şirkətinin idarəçiliyinə verilə biləcəyini demişdi. Rabitə və İnformasiya Texnologiyaları Nazirliyinin mətbuat xidmətinin rəhbəri Müşfiq Əmirov bildirib ki, CATEL-in indiyədək 20 minə yaxın abunəçinin nömrəsi işlək vəziyyətə gətirilib: “Bu işdə “Bakı Telefon Rabitəsi” İstehsalat Birliyinin xidmətlərindən istifadə olunub. Digər “CATEL” abunəçiləri üçün də mobil rabitə xidməti bərpa etmək üçün “CATEL” rəhbərliyi ilə müzakirələr aparılır. Ancaq dəqiq bilmirik ki, problem nə vaxt aradan qaldırılacaq. Texnikin problemin tamamilə aradan qaldırılması yaxın günlərdə gözlənilir”.
Abunəçilərə kompensasiya ödənilməsi məsələsinə gəldikdə isə, o, bu məsələyə baxılacağını da söylədi.
Qeyd edək ki, mətbuatda CATEL-in siyasi səbəblərə görə bağlanması barədə yazılsa da, şirkətdən bunu təkzib edirlər.
Axtarış sistemlərində qeydə alınmayan, aktiv keçid linki olmadan saytda yayımlanmış materialların köçürülməsi və yayımı qəti qadağandır! Qeyd olunan qaydalara əməl olunaraq başqa saytlarda yayımlanmış materiallara bildirilən fikirlərə görə sayt rəhbərliyi məsuliyyət daşımır!

Azərbaycan Respublikası, Bakı şəhəri

(+99470) 600 50 01

(+99450) 229 29 20

(+994 70) 734 50 00


[email protected]