Bizimlə əlaqə | Reklam
BolgeXeber.Com » İdman » Bu gün Çempionlar Liqasının finalıdır

Bu gün Çempionlar Liqasının finalıdır

24-05-2014, 09:10
Oxunub: 5 638 Bu gün Avropanın ən güclü klubunun adı bəlli olacaq

Qitənin ən yaxşısı Çempionlar Liqasının finalında müəyyənləşəcək.

Avropanın ən nüfuzlu klub turnirinin həlledici matçında iki İspaniya təmsilçisi üz-üzə gələcək. Madrid təmsilçiləri “Atletiko” ilə “Real” Primerada başa çatan mübarizələrini bu dəfə qitə miqyaslı turnirdə davam etdirəcəklər.

Qonşu Portuqaliyanın paytaxtı Lissabonda üz-üzə gələcək “Atletiko” ilə “Real” həlledici görüşə fərqli əhval-ruhiyyədə gəlib. Sonuncular ölkə çempionatında bürünclə kifayətləndiyindən azarkeşləri önündə günahlarını yumalıdır. “Real” bunu bacarsa, tarixində 10-cu dəfə qitənin ən nüfuzlu turnirinin qalibi olacaq.

Çempionlar Liqasının rekordçusundan fərqli, “Atletiko” heç vaxt bu mükafatı qazanmayıb. Lakin uzun fasilədən sonra İspaniya çempionu adını əldə edən Dieqo Simeonenin yetirmələri daha nüfuzlu yarışda da qələbə qazanmağa, bununla da ilkə imza atmağa çalışacaq.

Oyunun Portuqaliyada keçirilməsi “Real”a müəyyən üstünlük də verir. Çünki komandanın 3 aparıcı üzvü bu ölkəni təmsil edir. Dünyanın ən yaxşı futbolçusu Kriştianu Ronaldo vətənində nəyə qadir olduğunu göstərmək iddiasındadır. “Real”ln heyətində ilk dəfə Portuqaliyada rəsmi matça çıxacaq ulduz azarkeşlərinə sevinc bəxş etmək fikrindədir.

Çempionlar Liqası
Final
24 may

23:45. “Real” (İspaniya) – “Atletiko” (İspaniya)
Baş hakim: Byorn Kuypers (Hollandiya)
Lissabon (Portuqaliya). “Benfika” stadionu
Axtarış sistemlərində qeydə alınmayan, aktiv keçid linki olmadan saytda yayımlanmış materialların köçürülməsi və yayımı qəti qadağandır! Qeyd olunan qaydalara əməl olunaraq başqa saytlarda yayımlanmış materiallara bildirilən fikirlərə görə sayt rəhbərliyi məsuliyyət daşımır!

Azərbaycan Respublikası, Bakı şəhəri

(+99470) 600 50 01

(+99450) 229 29 20

(+994 70) 734 50 00


[email protected]