BolgeXeber.Com » İdman » Hiddinkdən Türkiyə millisinə qadağa

Hiddinkdən Türkiyə millisinə qadağa

10-11-2011, 08:35
Oxunub: 4 309 Baş məşqçi futbolçulara təlim-məşq toplanışı zamanı lahmacun, işgənbə, kokoreç, çiy küftə və sair yerli yeməklər yeməsini yasaq edib

Noyabrın 11-də istanbulda Xorvatiya yığması ilə pley-off oyununa çıxacaq Türkiyə millisinin futbolçularına bəzi qadağalar tətbiq olunub. Baş məşqçi Qus Hiddink futbolçuların təlim-məşq toplanışı zamanı lahmacun, işgənbə, kokoreç, çiy küftə və sair yerli yeməklər yeməsinə yasaq qoyub.

Bundan başqa, futbolçuların kiminləsə görüşməsi, toplandıqları otelin foyesinə və koridoruna çıxmalarına da qadağa qoyulub. Bu səbəbdən də bayramla əlaqədar futbolçularla görüşmək istəyən qohumları, həm də jurnalistlər istəklərinə çata bilməyiblər.

Türkiyə millisi gələn il Polşa və Ukraynada keçiriləcək Avropa Çempionatının final mərhələsində iştirak etmək üçün Xorvatiyanı iki oyunun nəticəsinə görə məğlub etməlidi. İlk oyun noyabrın 11-də İstanbulda, növbəti qarşılaşma isə 1 həftə sonra Zaqrebdə keçiriləcək.