Bizimlə əlaqə | Reklam
BolgeXeber.Com » İdman » Moldovalı futbolçu Azərbaycanı biabır etdi

Moldovalı futbolçu Azərbaycanı biabır etdi

30-10-2014, 15:25
Oxunub: 5 422 Valeri Onile danışılmış oyunlardan danışıb
"Turan"ın sabiq yarımmüdafiəçisi Valeri Onile Azərbaycan karyerasından danışıb.

Azerisport.az xəbər verir ki, o, Moldova mətbuatına açıqlamasında o, maraqlı açıqlama verib:

"Bizi "Neftçi"nin sabiq baş məşqçisi (Nizami Sadıqovu nəzərdə tutur) çalışdırırdı. Oyunların birində onun keçmiş komandasını qonaq edirdik. Onlar çempionluq uğrunda mübarizə aparırdılar. Bizə öncədən oyunu uduzacağımıza dair heç bir söz deməmişdilər. Amma oyuna çıxarılan start heyət hamını təəccübləndirmişdi. Çünki meydana çıxanların çoxu əvəzedici heyətdə olanlar, oynamayanlar idi. Ən maraqlısı onda idi ki, ilk hissədən sonra biz 2:0 öndə idik. Paltardəyişmə otağına gedəndə gördük ki, baş məşqçimiz rəngi qaçmış halda oturub. O, bizə dedi ki, "uşaqlar, kömək edin, bu gün uduzmalıyıq, amma heç kimi şübhələndirməmək şərtilə". Nəticədə, biz həmin oyunu 2:3 hesabıyla uduzduq (xatırladaq ki, sözügedən matç 2009-cu ilin 5 dekabr tarixində baş tutub). Təbii ki, təcrübəli futbolçular meydana çıxıb, bu "şou"da iştirak etmək istəmirdilər. Onlar baş məşqçiyə etirazlarını da açıq-aşkar bildirdilər".
Bolgexeber.com
Axtarış sistemlərində qeydə alınmayan, aktiv keçid linki olmadan saytda yayımlanmış materialların köçürülməsi və yayımı qəti qadağandır! Qeyd olunan qaydalara əməl olunaraq başqa saytlarda yayımlanmış materiallara bildirilən fikirlərə görə sayt rəhbərliyi məsuliyyət daşımır!

Azərbaycan Respublikası, Bakı şəhəri

(+99470) 600 50 01

(+99450) 229 29 20

(+994 70) 734 50 00


[email protected]