BolgeXeber.Com » İdman » “Barselona” “Atletiko”nu İspaniya Kubokundan kənarlaşdırdı

“Barselona” “Atletiko”nu İspaniya Kubokundan kənarlaşdırdı

29-01-2015, 09:25

Oxunub: 4 447

İspaniya kubokunda 1/4 final mərhələsinin cavab oyunlarına start verilib

İlk matç günündə azarkeşlər bir qarşılaşma izləyib.Belə ki, “Barselona” səfərdə “Atletiko”nun qonağı olub. İlk görüşdə “Nou Kamp”da Madrid klubunu 1:0 hesabı ilə məğlub edən Kataloniya təmsilçisi “Visente Kalderon” stadionunda da üstünlüyünü qorumağa çalışıb. Dieqo Simeonenin yetirmələri isə növbəti mərhələyə adlamaq üçün ən azı iki cavabsız qolla qalib gəlmək məcburiyyətində idi. Bu matçda istənilən heç-heçə, və ya bir top fərqli ilə istənilən hesablı məğlubiyyət də “Barsa”ya sərf edirdi.

Lakin qarşılaşmada Luis Enrikenin komandası yenə qalib gəlib. 5 qolun vurulduğu görüşdə “Barselona” 2:3 hesabı ilə madridliləri məğlub edərək, yarımfinala yüksəlib.

Digər oyunlarda isə “Hetafe" "Vilyareal"la, “Atletik” "Malaqa" ilə və “Sevilya” “Espanyol”la üz-üzə gələcək.

Çox Oxunanlar