BolgeXeber.Com » İdman » AFFA-dan inanılmaz qərar: "Kəpəz" və "Zirə" Premyer Liqada

AFFA-dan inanılmaz qərar: "Kəpəz" və "Zirə" Premyer Liqada

9-05-2015, 17:25

Oxunub: 3 674

Birinci dəstənin lideri olan "Neftçala" lisenziya ala bilməyib

Bu gün AFFA-nın inzibati binasında Lisenziyalaşdırma Komissiyasının iclası keçirilib.BOLGEXEBER.COM -un affa.az-a saytına istinadən verdiyi məlumatına görə, iclasda 2015/16 UEFA-nın klub turnirlərində və Premyer Liqa yarışlarında iştirak etmək üçün müraciət etmiş 16 klubun sənədlərinə baxılıb.

Quruma AZAL, “Bakı”, “Xəzər Lənkəran”, “İnter”, “Kəpəz”, “Qarabağ”, “Qaradağ-Lökbatan”, “Qəbələ”, “Neftçala”, “Neftçi”, “Rəvan”, “Simurq”, “Sumqayıt”, “Şuşa-Qarabağ”, “Turan Tovuz” və “Zirə” müraciət etsə də, onların bəzilərinin istəyi baş tutmayıb.

AFFA-nın Lisenziyalaşdırma Komissiyası “UEFA-nın klub yarışlarında iştirak etmək üçün Azərbaycan Futbol Klublarının Lisenziyalaşdırılması üzrə qaydalar”ın 9-cu maddəsinə əsaslanmış müzakirələrdən sonra avrokuboklarda oynamaq istəyən 7 klubdan 6-nın müraciətini müsbət dəyərləndirib. UEFA-nın klub yarışlarında iştirak etmək üçün AZAL, "Xəzər Lənkəran", "İnter", "Qarabağ", "Qəbələ" və "Neftci"yə lisenziya verilib. “Simurq” isə qitə kuboklarına buraxılmayıb.

AFFA-nın Lisenziyalaşdırma Komissiyası “Azərbaycan futbol “Premyer Liqası”nda iştirak etmək üçün Azərbaycan Futbol Klublarının Lisenziyalaşdırılması üzrə qaydalar”ın 9-cu maddəsinə əsaslanmış müzakirələrdən sonra avrokubok hüququ olan 6 klubla yanaşı, daha 4 komandanı çempiona buraxıb.

UEFA-nın klub yarışlarında iştirak etmək üçün Azərbaycan Futbol Klublarının Lisenziyalaşdırılması üzrə qaydalar”ın 13-cü maddəsinə müvafiq olaraq, 2015-2016-cı il mövsümündə UEFA-nın klub yarışlarında iştirak etmək üçün lisenziya almış klublar avtomatik olaraq eyni mövsüm üçün Azərbaycan “Premyer Liqa” yarışlarında iştirak etmək üçün lisenziya almış olur.

Azərbaycan futbol Premyer Liqası yarışlarında iştirak etmək üçün "Kəpəz", “Simurq”, “Sumqayıt” və "Zirə"yə lisenziya verilib. Bununla da “Kəpəz” və “Zirə” I diviziondan Premyer Liqaya yüksəlir.

Topaz Premyer Liqasının autsayderi “Bakı”, həmçinin aşağı dəstə təmsilçiləri “Qaradağ-Lökbatan”, “Neftçala”, “Rəvan”, “Şuşa Qarabağ” və “Turan Tovuz” isə güclülər dəstəsinə oynamaq hüququ qazanmayıb. Baxmayaraq ki, Neftçalanın eyniadlı klubu ı divizionun çempionu adını mövsüm bitməmiş təmin edib.

Qeyd edək ki, lisenziya iddiaçısı olan klublar imtina barədə verilmiş bildiriş tarixindən etibarən 10 gün müddətində AFFA-nın Lisenziyalaşdırma üzrə Apellyasiya Komitəsinə şikayəti edə bilər.
BOLGEXEBER.COM

Çox Oxunanlar