BolgeXeber.Com » İdman » Azərbaycan Avropa Oyunlarında 7-ci qızıl medalını qazandı-VİDEO

Azərbaycan Avropa Oyunlarında 7-ci qızıl medalını qazandı-VİDEO

15-06-2015, 19:52

Oxunub: 6 309

Bu gün Bakı-2015 birinci Avropa Oyunlarında güləşçimiz Mariya Stadnik qızıl medal qazanıb

Avropa Oyunlarında qadınlar arasında güləş yarışlarında Azərbaycanı 48 kq çəki dərəcəsində təmsil edən Mariya Stadnik bu gün final mərhələsində bolqarıstanlı idmançı Elitsa Yankova ilə qarşılaşıb.

Olimpiya Oyunlarının gümüş və bürünc mükafatçısı, dünya və dördqat Avropa çempionu M.Stadnik bu dəfə də üstün güləş nümayiş etdirərək bolqar rəqibini məğlub edə bilib.

E.Yankovaya elə 4-cü dəqiqədə vaxtından əvvəl - 12:1 hesabı ilə təmiz qalib gələn güləşçimiz Avropa Oyunlarının çempionu adını qazanıb.

48 kq
1/8 final - Mariya Stadnik - Lilian Santos (Portuqaliya) 12:2
1/4 final - Mariya Stadnik - Julie Sabatie (Fransa) 11:0
1/2 final - İvona Matkovska (İsveç) - Mariya Stadnik 2:8
FİNAL - Mariya Stadnik - Elitsa Yankova (Bolqarıstan) 12:1

Bu, Azərbaycanın Avropa Oyunlarında 7-cı qızıl medalıdır.

Qeyd edək ki, yarışların ilk iki günündə kişi güləşçilərimiz iki dəst, ümumilikdə 6 medal qazanıblar. Rəsul Çunayev (71 kq) və Elvin Mürsəliyev (75 kq) qızıl, Rafiq Hüseynov (80 kq) və Sabah Şəriəti (130 kq) gümüş, Elman Muxtarov (59 kq) və Həsən Əliyev (66 kq) isə bürünc medala sahib olublar.
BOLGEXEBER.COM

Çox Oxunanlar

Axtarış sistemlərində qeydə alınmayan, aktiv keçid linki olmadan saytda yayımlanmış materialların köçürülməsi və yayımı qəti qadağandır! Qeyd olunan qaydalara əməl olunaraq başqa saytlarda yayımlanmış materiallara bildirilən fikirlərə görə sayt rəhbərliyi məsuliyyət daşımır!

Azərbaycan Respublikası, Bakı şəhəri

(+99470) 600 50 01

(+99450) 229 29 20

(+994 70) 734 50 00

[email protected]