Oxunub: 3 342“Qarabağ” azarkeşlərini belə məyus etdi
“Qarabağ”dünən Çempionlar Liqasının 3-cü təsnifat mərhələsinin cavab oyununa çıxıb.
Komanda.az xəbər verir ki, “köhlən atlar” Şotlandiya çempionu “Seltik”lə üz-üzə gəlib.
Ötən mövsüm ÇL-lə “Zalsburq”la görüşlərdən sonra vidalaşan “Qarabağ” bu dəfə pley-offa kimi irəliləmək istəyindəydi. İndiyə kimi heç bir klubumuz Çempionlar Liqasının pley-offunda çıxış etmək həyəcanı yaşamayıb. Azərbaycan çempionu “Seltik” səddini keçməklə, bu ilkə imza ata bilərdi.
Ancaq bu, “köhlən atlar”a müyəssər olmayıb. İlk oyunda 0:1 hesabıyla məğlub olan ağdamlılar cavab oyununda qolsuz bərabərliyə imza ataraq ÇL-lə vidalaşıb.
“Qarabağ” mübarizəni Avropa Liqasının pley-off mərhələsində davam etdirəcək. Çempionlar Liqası, 3-cü təsnifat mərhələsi, cavab oyunu
İlk oyun – 0:1
5 avqust
21:30. Qarabağ (Azərbaycan) – Seltik (Şotlandiya) 0:0 Baş hakim: Martin Strömberqsson. Yan xətt hakimləri: Daniel Qustavsson, Stefan Hallberq. Ehtiyat hakim: Yohan Hamlin (hamısı İsveç). Hakim-inspektor: Alen Hamer (Lüksemburq). UEFA nümayəndəsi: Peter Lundström (Finlandiya). Bakı. T.Bəhramov adına Respublika stadionu.