BolgeXeber.Com » İdman » Ukrayna və İsveç millisi "Avro-2016"nın final mərhələsində!

Ukrayna və İsveç millisi "Avro-2016"nın final mərhələsində!

18-11-2015, 17:32

Oxunub: 4 122

Bu gün "Avro-2016"nın final mərhələsinə vəsiqə verən "pley-off"un cavab oyunlarına yekun vurulub

Qol.Az-ın məlumatına görə, baş tutacaq iki görüşdən sonra turnirin final mərhələsinə vəsiqə qazanan son iki komanda müəyyənləşib.

Sloveniya öz meydanında Ukraynanı qəbul edib. Qonaqlar ilk görüşdə 2:0 hesabı ilə qələbə qazandıqları üçün mərhələ adlamağa çox yaxın idilər. Səfərdə rəqibi ilə 1:1 hesabı ilə bərabərə qalan Ukrayna yığması "Avro-2016"nın final mərhələsinə vəsiqə qazanıb.

Digər oyun Danimarkada keçirilib. Burada İsveç millisi Danimarkanın qonağı olub. İlk görüşdə 2:1 hesabı ilə qalib gələn İsveç yığması bu üstünlüyünü qorumağa çalışacaqdı ki, bunu da bacarıb. Zlatan İbrahimoviçin dublu qonaqları hesabda irəli çıxarıb. Matçın sonlarına yaxın Danimarka iki qol vursa da, bu mərhələni keçməyə yetərli olmayıb. Görüş 2:2 hesabı ilə başa çatıb və İsveç yığması Avropa çempionatının final mərhələsində oynamaq hüququ qazanıb.

Xatırladaq ki, daha öncə Macarıstan və İrlandiya yığmaları "pley-off" oyunlarından qalib ayrılaraq gələn il Fransada keçiriləcək Avropa çempionatının final mərhələsinə vəsiqəni təmin edib.

17 noyabr

"Avro-2016", pley-off mərhələsinin cavab oyunu

23:45. Sloveniya - Ukrayna - 1:1
Qollar: Sezar, 11 (1:0), Yarmolenko, 90+7 (1:1)
Qırmızı vərəqə: Breçko, 90+3 (Sloveniya)
İlk oyun - 0:2

23:45. Danimarka - İsveç - 2:2
Qollar: İbrahimoviç, 19 (0:1), 76 (0:2), Poulsen, 81 (1:2), Vesterqard, 90+1 (2:2)
İlk oyun - 1:2

Çox Oxunanlar