BolgeXeber.Com » İdman » Lopez, Şakira və Riannanın Bakı konsertinin vaxtı açıqlandı

Lopez, Şakira və Riannanın Bakı konsertinin vaxtı açıqlandı

13-06-2012, 11:25

Oxunub: 4 594

Dünya ulduzlarını görmək üçün biletlərin satışı başlayır

Azərbaycana Cenifer Lopezlə yanaşı Rihanna və Şakira da təşrif buyuracaq. Bolgexeber.com AFFA-nın rəsmi saytına istinadən məlumatına görə, məşhur super ulduzlar Rihanna və Şakira FIFA U-17 qadınlararası dünya çempionatı Azərbaycan 2012-nin oyunlarında çıxış edəcəklər. Bu Rihanna və Şakiranın ölkədəki ilk çıxışları olacaq.

Rihannanın çıxışı oktyabrın 5-i, saat 19:30-da, Tofiq Bəhramov adına Respublika Stadionunda keçiriləcək dörddə bir final oyunu zamanı təşkil ediləcək.

Şakiranın çıxışı isə oktyabrın 13-ü, saat 19:30-da, Tofiq Bəhramov adına Respublika Stadionunda keçiriləcək final oyunu zamanı təşkil ediləcək.

Cenifer Lopezin çıxışı isə mundialın açılış gününə sentyabrın 22-nə təsadüf edəcək.

Oyunların biletləri iyulun 6-da Beynəlxalq Muğam Mərkəzində keçiriləcək FIFA U-17 qadınlararası dünya çempionatı Azərbaycan 2012-nin püşkatma mərasimindən sonra, iyulun 10-dan başlayaraq Park Bulvar və Metro Park alış veriş və əyləncə mərkəzləri, Xalq Bank Neftçilər filialı və Bakcell-in Nizami 83 ünvanındaki müştəri xidmətləri mərkəzində satışda olacaq.

Qeyd edək ki, biletlərin qiymətləri 5-15 AZN arasında dəyişir.

Çox Oxunanlar