BolgeXeber.Com » İdman » UEFA "Arsenal"ı cəzalandırdı

UEFA "Arsenal"ı cəzalandırdı

8-08-2012, 02:55

Oxunub: 5 345

Ukrayna klubunun Avroliqadakı qələbəsi ləğv olunub

“Bakı”nı Avroliqada mübarizədən kənarlaşdıran “Mura” klubu UEFA-dan xoş xəbər alıb.

Sloveniya təmsilçisinin turnirin III təsnifat mərhələsində Kiyev “Arsenal”na səfərdə uduzduğu oyununun (0:3) nəticəsi ləğv olunub. Belə ki, ukraynalılara 0:3 hesablı texniki məğlubiyyət verilib.

Bu haqda Sloveniya televiziyasına komandanın baş məşqçisinin köməkçisi Damyan Oslaya məlumat verib: “Elə indicə mənə idman direktorumuz zən edərək, artıq qərarın qəbul olunduğunu bildirib. Belə ki, UEFA “Arsenal” 0:3 hesablı texniki məğlubiyyət verib. Ancaq biz evdəki cavab oyununda son təsnifat mərhələsinə çıxmağa ümid etmək üçün diqqətli olmalıyıq”.

“Arsenal” bu cəzanı həmin matçda oynayan futbolçusu Erik Matukuya görə alıb. O, hələ Belçikanın “Genk” klubunda çıxış edəndə, diskvalifikasiyasını tam başa vurmayıb. Bu qərar UEFA-nın əmsallar cədvəlinə təsir edib.

Çox Oxunanlar