BolgeXeber.Com » İdman » Azərbaycan idmançıları Londona yola düşdülər

Azərbaycan idmançıları Londona yola düşdülər

23-08-2012, 19:15

Oxunub: 5 505

Avqustun 29-da Londonda XIV Yay Paralimpiya Oyunlarına start verilir.

Azərbaycan idmançılarından ibarət nümayəndə heyəti XIV Yay Paralimpiya Oyunlarında iştirak etmək üçün Böyük Britaniyanın paytaxtı Londona yola düşüb.
AzərTAc xəbər verir ki, Heydər Əliyev Beynəlxalq Aeroportunda onları Milli Paralimpiya Komitəsinin prezidenti İlqar Rəhimov, bir sıra idman federasiyalarının rəhbərləri və idmansevərlər təntənə ilə yola salıb və uğurlar arzulayıblar.

Milli Paralimpiya Komitəsinin prezidenti İlqar Rəhimov idmançılarımızın bu yarışa ciddi hazırlaşdıqlarını diqqətə çatdırıb. Bildirib ki, Azərbaycan Prezidenti İlham Əliyev ölkəmizdə idmanın inkişafına həmişə diqqət və qayğı ilə yanaşır. İ.Rəhimov London Yay Paralimpiya Oyunlarında onlara göstərilən etimadı doğruldacaqlarına əminliyini ifadə edib. Olimpiya komandamızın Londondakı uğurlu çıxışı paralimpiyaçılarımızı yeni qələbələrə ruhlandırdığını bildirən İ.Rəhimov Paralimpiya Oyunlarında Azərbaycanın üçrəngli bayrağının dalğalanacağına və dövlət himninin səslənəcəyinə inandığını söyləyib.

Qeyd edək ki, avqustun 29-dan sentyabrın 9-dək Londonda keçiriləcək Yay Paralimpiya Oyunlarında Azərbaycanı 21 idmançı təmsil edəcəkdir.

Çox Oxunanlar