Bizimlə əlaqə | Reklam
BolgeXeber.Com » İdman » Nazir müavinindən Vitali Rəhimovla bağlı qalmaqala REAKSİYA

Nazir müavinindən Vitali Rəhimovla bağlı qalmaqala REAKSİYA

25-11-2016, 16:06
Oxunub: 4 613 Nazir müavinindən Vitali Rəhimovla bağlı qalmaqala REAKSİYA Gənclər və idman nazirinin müavini İsmayıl İsmayılov 2008-ci il Pekin Yay Olimpiya Oyunlarında iştirak edən yunan-Roma güləşçisi Vitali Rəhimovla bağlı yaranmış qalmaqala aydınlıq gətirib

Nazir müavini Modern.az-a açıqlamasında deyib ki, Vitali Rəhimov heç bir formada medalı geri qaytarmaqdan imtina edə bilməz:

“Bu mümkün deyil. Çünki qərar qəbul edilirsə , hansı yolla olursa-olsun medal geri qaytarılır. Əgər o ad və medal geri alınırsa, başqa çıxış yolu yoxdur. Vitali Rəhimov bu gün idmançı kimi məşq etmir. O yalnız məşqçi işləyə bilər”.

Qeyd edək ki, Azərbaycanın yunan-Roma güləşçisi V. Rəhimov 2008-ci il Pekin Yay Olimpiya Oyunlarında qazandığı gümüş medaldan məhrum edilib. Bu barədə Beynəlxalq Olimpiya Komitəsi (İOC) qərar verib. Səbəb kimi 60 kq çəki dərəcəsində çıxış etmiş Rəhimovun dopinq-testinin təkrar analizinin müsbət nəticə verməsi göstərilib. Onun orqanizmindən istifadəsi qadağan olunmuş dehidroxlormetiltestosteron (Turinabol) preparatı aşkarlanıb.

Artıq karyerasını başa vurmuş güləşçi, İOC-un qərarına əsasən, gümüş medal və diplomunu geri qaytarmalıdır. Medalın kimə veriləcəyini isə Dünya Güləş Birliyi müəyyənləşdirəcək.
V.Rəhimov isə qazandığı Olimpiya medalını geri vermək niyyətində olmadığını bildirib.
Axtarış sistemlərində qeydə alınmayan, aktiv keçid linki olmadan saytda yayımlanmış materialların köçürülməsi və yayımı qəti qadağandır! Qeyd olunan qaydalara əməl olunaraq başqa saytlarda yayımlanmış materiallara bildirilən fikirlərə görə sayt rəhbərliyi məsuliyyət daşımır!

Azərbaycan Respublikası, Bakı şəhəri

(+99470) 600 50 01

(+99450) 229 29 20

(+994 70) 734 50 00


[email protected]