BolgeXeber.Com » İdman » Maqnus Karlsen öz ad günündə yenidən şahmat üzrə dünya çempionu oldu

Maqnus Karlsen öz ad günündə yenidən şahmat üzrə dünya çempionu oldu

1-12-2016, 12:41

Oxunub: 6 273

Dünya şahmat tacı uğrunda matçın qalibi müəyyənləşib

Norveçli Maqnus Karlsen rusiyalı Sergey Karyakinə qalib gələrək, dünya çempionu titulunu qoruyub. Qarşılaşmanın taleyi rapid partiyalarında müəyyənləşib. İlk iki partiyada (25 dəqiqə vaxta nəzarət, 10 saniyə gediş üçün) heç-heçə qeydə alınıb. Üçüncü partiyada qara, dördüncüdə isə ağ fiqurlarla oynayan Karlsen qələbəyə nail olub. Matçın 12 əsas partiyasında 6:6 hesablı heç-heçə qeydə alındığından, norveçli qrossmeyster ümumi nəticədə qələbəyə imza atıb – 9:7.

Qeyd edək ki, Maqnus Karlsen 2013-cü ildən sahib çıxdığı dünya çempionu titulunu özündə saxlayıb. Bununla da Karlsen 600 min avro, Sergey Karyakin isə 400 min avro qazanıb. Norveçli qrossmeyster bu dəfə çempionluq tituluna 26 yaşının tamamlandığı gün sahib çıxıb.

Çox Oxunanlar

Axtarış sistemlərində qeydə alınmayan, aktiv keçid linki olmadan saytda yayımlanmış materialların köçürülməsi və yayımı qəti qadağandır! Qeyd olunan qaydalara əməl olunaraq başqa saytlarda yayımlanmış materiallara bildirilən fikirlərə görə sayt rəhbərliyi məsuliyyət daşımır!

Azərbaycan Respublikası, Bakı şəhəri

(+99470) 600 50 01

(+99450) 229 29 20

(+994 70) 734 50 00

[email protected]