BolgeXeber.Com » İdman » Ramazanovdan "Neftçi" rəsmisinə ağır sözlər: "Dalları çöldə qalıb"

Ramazanovdan "Neftçi" rəsmisinə ağır sözlər: "Dalları çöldə qalıb"

7-01-2017, 14:11

Oxunub: 4 748

Ağabala Ramazanovun qardaşı və meneceri Zaur Ramazanov maraqlı açıqlaması ilə gündəmə gəlib

Veteran futbolçu "Futbol"+ qəzetinə açıqlamasında "Neftçi"nin icraçı direktoru Orxan Hüseynzadənin Ağabala haqda səsləndirdiyi ittihamlara cavab verib.

"Neftçi" və "Qarabağ"dan mənimlə əlaqə saxladılar. Qardaşımla söhbət etdim. Ağabala "Qarabağ"da oynamaq istədiyini dedi. Qardaşım nə edib ki, "Neftçi"nin icraçı-direktoru Orxan Hüseynzade belə açıqlama verib? Yaxşı olardı ki, orxankimilər ağzının qatığını dağıtmayaydı. Ağabala "Neftçi"də olanda Orxan kim idi? Mən o adda adam tanımıram. Sözü varsa, mənə zəng vurub deyəydi. Bu gün balaca uşaqdan da soruşsan, "Qarabağ"da oynamaq istədiyini deyər. "Neftçi"nin uduzmadığı komanda yoxdu. Onların düşərgəsində nələr yaşandığını hamı yaxşı bilir. Bəlkə də Orxan və yanındakılar kimlərəsə özlərini mələk kimi göstərə bilərlər. Ancaq unutmasınlar ki, dəvəquşu kimi başlarını torpağın altına soxsalar da, dalları çöldədi. Ayıblarına kor olsunlar, komandanı bu günə qoyanlar kiminsə xaraktərindən danışmasınlar".

Qeyd edək ki, "Neftçi"nin icraçı direktoru Orxan Hüseynzadə Ağabalanın son anda "Qarabağ"a keçidini şərh edərkən, "Ağabala bizim təklifimizi qəbul etmişdi. Son anda bizə demədən "Qarabağ"a getdi. Digər tərəfdən biz buna şadıq ki, Ramazanov "Qarabağ"ı seçib. Belə xarakterə sahib futbolçu "Neftçi"yə lazım deyil" demişdi.

Çox Oxunanlar

Axtarış sistemlərində qeydə alınmayan, aktiv keçid linki olmadan saytda yayımlanmış materialların köçürülməsi və yayımı qəti qadağandır! Qeyd olunan qaydalara əməl olunaraq başqa saytlarda yayımlanmış materiallara bildirilən fikirlərə görə sayt rəhbərliyi məsuliyyət daşımır!

Azərbaycan Respublikası, Bakı şəhəri

(+99470) 600 50 01

(+99450) 229 29 20

(+994 70) 734 50 00

[email protected]