BolgeXeber.Com » İdman » Serblər "Neftçi"nin qapıçısını döymək istədi

Serblər "Neftçi"nin qapıçısını döymək istədi

21-09-2012, 10:05
Oxunub: 5 040 Stamenkoviç meydandan bir təhər çıxarılıb

Avropa Liqasının “Partizan” - “Neftçi” oyunundan sonra insident baş verib. Bolgexeber.com-un xəbərinə görə, matçın final fiti səslənən kimi “Partizan”ın bəzi futbolçuları “Neftçi”nin qapıçısı Saşa Stamenkoviçin üzərinə hücum çəkiblər.
Lakin insidentin əlbəyaxa davaya çevrilməsinin qarşısını almaq mümkün olub. “Neftçi” klubunun üzvlərinin də müdaxiləsindən sonra Stamenkoviç meydandan çıxarılıb.
Qeyd edək ki, dünən "Neftçi" klubu Azərbaycan futbol tarixi ərzində ilk dəfə qrup mərhələsinin oyununa çıxıb. Paytaxt təmsilçiləri Serbiyada "Partizan"ın qonağı olublar. Oyun 0:0 hesabı ilə başa çatıb. Matçı Çexiyadan olan referilər idarə edib.
Avroliqada növbəti oyunlar oktyabrın 4-də keçiriləcək.