BolgeXeber.Com » İdman » Kikboksinq üzrə Azərbaycan çempionatı keçiriləcək

Kikboksinq üzrə Azərbaycan çempionatı keçiriləcək

2-02-2017, 20:04

Oxunub: 10 255

"Məqsədimiz gənclərimizin vətənpərvər və milli ruhda böyüməsidir"

Azərbaycan Respublikası Gənclər və İdman Nazirliyi və Azərbaycan Kikboksinq Federasiyasının birgə təşkilatçılığı ilə "narkomaniya və uşaq cinayətkarlığına qarşı" mübarizə və 2 Fevral Gənclər Günü həsr olunan 02-05 fevral 2017-ci il tarixlərində Bakı şəhərində Bakı Əl Oyunları İdman Sarayında kikboksinq üzrə kişilər və qadınlar arasında Azərbaycan Çempionati və gənclər arası Azərbaycan birinciliyi keçiriləcək.

Bolgexeber.com xəbər verir ki, bu barədə Azərbaycan Kikboksinq Federasiyasının prezidenti,millət vəkili Adil Əliyev açıqlama verib. “Hər il belə çempionat təşkil edirik. Məqsədimiz gənclərimizin vətənpərvər və milli ruhda böyüməsidir. Bu gün vətənpərvərliyin təbliğatı federasiyasımızın əsas ana xəttini təşkil edir. Bu istiqamətdə bir sıra tədbirlər keçiririk və bundan sonra da fəaliyyətimiz davam etdiriləcək”,-deyə millət vəkili bildirib. Qeyd edək ki, çempionat saat 10-00 da başlayacaq. Açılış mərasimi 03 fevral 2017-ci il tarixdə saat 15-00 da olacaq.

Çox Oxunanlar